689當選特首嗰刻，新世界老細純官撲上台支持，都推算到尖東條咁長嘅海濱批俾新世界去管理。新世界講得好好聽，負責營運的屬非牟利機構，賺就歸政府，蝕就歸公司喎；只不過將來海濱長廊有成萬呎餐飲設施，租客點揀，租金又點定呢就無講。



新世界鄭家子姪多籮籮，好多唔入上市公司坐，就喺外圍搵食。好似純官個大婆葉美馨，嫁入鄭家後都唔係繑埋手做少奶奶，一九七八年就喺新世界旗下麗晶酒店開Blooms N Blossoms花悅賣花，此後每間新世界旗下嘅君悅、尖沙咀及沙田凱悅、萬麗海景都附設一間花悅，唔好睇小花檔呀，新世界旗下嘅公司，凡有租客開張，紅事、白事、酒店、辦公室嘅花籃擺設裝飾，又點會唔幫襯自己人呢，花悅唔使?都大把生意啦。

咁未來嘅海濱長廊食肆，又會唔會預埋純官女婿、專搞紅酒食肆生意嘅龐建貽呢？話晒喺新世界大廈都有佢搞間Classified餐廳分店吖！





















http://nextplus.nextmedia.com/news/latest/20150829/253247