無綫新節目《在那遙遠的地方》，由洪永城帶大家去到北韓，而喺宣傳片入面，可以睇到北韓嘅生活好開心，講到好快樂咁。

但係去過北韓嘅電視台，又點知只係得無綫呢？之前HKTV都去過北韓拍攝影節目，但係個宣傳片簡介，就同無綫差天共地喇。

當時HKTV之前拍攝節目《飄》，都有去到北韓首都平壤，同埋南北韓邊境軍事重地，仲搵咗一班誓死都要離開嘅北韓人，親自講述北韓人嘅悲慘生活。

而無綫嘅節目呢，就見到洪永城去玩北韓嘅機動遊戲、水上活動、去學校、飲下酒咁，睇落真係好開心喎。明明HKTV係拍北韓、TVB又係拍北韓，點解睇完兩條宣傳片之後，好似喺兩個唔同地方拍攝咁嘅？











http://hk.apple.nextmedia.com/enews/realtime/20150828/54142598