網上見到有D人笑佢浪費時間 ...
我就覺得時間係佢，關你撚事咩....
同佢同年GE都最後一年大學，但又點呀 ? 起步遲唔等於終點係輸家 ...
讀到大學啦，D大學生仲覺得起跑線咁重要 ? 如何你同佢家境一樣，而你唔係大學神科，你同佢都係一樣而且
再者，依個人經歷咁多，有邊位大學生心理條件夠佢好 ?!
小弟中學有位老師，中五畢業 做左3年運輸，最後一次工傷，佢轉返讀中五 > 中六 > 中七 > 大學
佢都係畢業比人遲，但佢教書熱情、質素比其他人都好 。
有時D大學生唔明，你試下做1年廚房、運輸呀.... 你就知道遲比人畢業6年都好...
人工低 年齡大都好，你先發覺知識重要唔單單係搵工，而係搵多一份自尊，當然出黎唔洗做辛苦工真係舒服好多 .... 人生時間多左DD

我中學畢業 DSE雞 17分 屋企冇錢讀ASSO 自己又唔想讀ASSO D科
之後做左2年野 廚房佬全職黎 做細比人屌到仆街... 除左切打煮野 、洗碗 都要做埋，仲要比洗碗呀姐屌...
成班廚房10個9個都講野冇腦... 除左講叫雞 就係賭錢
人工萬二蚊左右，但一日返成12個鐘，仲未計坐車時間... 粒粒皆辛苦..個時先知... 洗碗洗到隻手比熱水整到熱晒 皮都爛
係有手套，但穿晒入晒水....
自己望住雙手對紅手膠手套，諗返以前我呀公老左都係做洗碗，我好似重複緊呀公條路，
有次真係忍唔到流馬淚 .... 我個時比個樓面呀姐見到喊
佢輕描淡寫咁講：唉 走啦 咁後生做依D辛苦工比你做十年，做大佬位 O晒T都係近3萬 讀書啦
之後佢掉低D碗比我洗就走撚左
屌 個下真係好入耳
之後考左14年DSE 唔小心入左中文系 都係我最愛GE系
遲左畢業又點... 第時乞食我自己都甘心 最少條路我鍾意呀
依個社會好奇怪，呀伯70歲OU畢業香港人話好感動 神童入大學又LIKE
但遲人幾年入大學，你就屌佢浪費時間... 所以香港人見到一老一嫩就會善心湧現，其他人? 屌左先LA