先來新田邊境購物城 , 再到羅湖沙嶺起邊境購物城 , 這個政府太照顧水貨客吧!!!!

由民建聯進出口界議員黃定光（象哥）推動嘅新田邊境購物城，終於喺上星期向城規會交齊文件同評估，目標明年農曆年前開幕，佢哋籌備中嘅非牟利基金會亦有人選，仲開埋首次基金會會議添。

主席係律師黃嘉純，象哥就代表進出口界，新民黨田北辰同民建聯梁志祥分別代表工商界同區議會，當然唔少得新田鄉委會副主席文祿星，仲有德勤高級合夥人勞建青，基金會負責落實營運者同管理基金收入。

象哥向八方透露，已經有一間營運者諗住投資逾1億港元，每個月仲要畀唔少於40萬租金收入畀基金會，用嚟改善社區民生；佢唔肯講呢位投資者係邊個，只話唔係地主恒基同新地。購物城會採用組合屋，預計有200個大大小小單位，以內地客為主要客戶群，銷售香港品牌嘅日用品。