女性每個月都會有幾日零舍唔舒服，
但係如果呢個時候有型男周柏豪打電話俾你，你會唔會即刻覺得舒服返好多呢？

早前周柏豪成為某女性用品代言人，連廣告海報都出埋。其實唔駛咁驚奇，好多男明星都有代言過女性用品，例如陳柏霖、羅志祥、錦榮、汪東城、林宥嘉等等，但係通常橋段都係將M巾單手托起、或由袋中抽出，又或者係曬下型仔Pose氹女友咁。

周柏豪喺呢個廣告入面用佢一貫嘅電眼、Gel到好行嘅髮型、身穿西裝，化身暖男真係迷死唔少女士。佢嘅「售後服務」都好體貼架！只要各位絲打喺佢哋個網站都寫低你「最需要被關心特別日子」俾柏豪，咁你就可以同柏豪擁有屬於你同佢嘅溫柔體驗喇。

好 多網民都表示或覺得呢個「服務」好變態，要同一個陌生男人分享自己嘅經期時間，因為 由一個唔係你男友嘅陌生男人提醒你姨媽到，真係會俾佢嚇親。當中有網民更笑言既然係屬於我二人的溫柔體驗，咁嗰幾日係咪同柏豪一齊用M巾。但係亦有唔少女 性支持，紛紛留言表示好sweet，聽到不柏豪把聲個心噗噗跳咁話喎。

海報中佢隻手要拎住一舊好似唔知係雲定係棉花嘅物體，個Pose仲要好似聞緊咁。。。。而上面仲要寫住宣傳標語：「體貼，在於綿感溫柔。」就係因為咁，有好多網民都話覺得個廣告好怪，連男士見到都話：「身為男人睇見都有小小經痛＞＜」，亦有網民問唔知柏豪又冇試過先拍呢。

不過無論如何，廣告一出就已經引起咁大迴響，周柏豪果然勁呀！

https://hk.celebrity.yahoo.com/news/寫低經期日子柏豪會打電話俾你-網民：嗰幾日係咪一齊用？-103712064.html