港大校委之一嘅「鐵醫」盧寵茂日前自行「插水」，成為網民「一時佳話」，起勢咁改圖抽水笑佢扮嘢。因為電影《低俗喜劇》而被封為「暴龍哥」嘅鄭中基今日（7月31日）喺Facebook上載咗盧被送醫嘅新聞相，然後質疑「中間阿邊個」（意指盧寵茂）唔認真，寸佢「周圍啲茄喱啡」個樣仲認真。
拎咗台灣金馬獎同香港電影金像獎最佳男配角嘅「暴龍哥」，以前輩身份評價盧寵茂「插水」，質疑盧受傷被送院露出笑容，「是咪rehearsal（綵排）時影架？我本人覺得rehearsal時都要認真啲，你睇周圍啲茄喱啡幾認真！如果我係導演我唔剷到你心臟病發，我切！」大鬧「鐵醫」做戲唔認真，又難怪咁多人質疑佢扮嘢。

不過，日前報稱被碰撞、好似被人踢咗腳嘅盧寵茂昨日（7月30日）改口，話「無法判斷係咪有人踢我」，仲話「我從無講過係學生推我」。
http://nextplus.nextmedia.com/news/latest/20150731/237513