近日被指責為建制派政改甩轆「元兇」的自由黨立法會議員田北俊，今早在電台節目指，建制派一予人印象是支持政府，既然自由黨是屬於建制便應團結，但他始終不認為跟大隊就是團結，「團結？乜嘢叫團結呀？『團結就係人哋吹雞，你咪跟住走囉』，如果咁叫團結，咁駛乜要自由黨？點解要有民建聯、工聯會、經民聯、又有新民黨，變咗一個建制黨咪算數囉，市民會唔會支持一個建制黨呢？我覺得大有問題」。

他強調如果建制派甚麼事也團結，等於聽命於民建聯，「咁嘅做法我哋係唔會接受，因為民建聯擺到明，乜都要支持梁振英，如果係咁嘅角度講，佢哋根本就係政府嘅黨，唔係所謂建制派政黨。但我哋係對事不對人，喺大事大非中，我哋係可以走嘅」。

他指商界最擔心梁振英的管治「越搞越歪」，三年下來，梁振英非越搞越好，「梁粉越來越少，今次炒曾德成，好多傳統左派人士對咁唔畀面嘅炒法係有意見」。他覺得，梁振英換走曾德成，以為可以嚇怕傳統左派，但其實同時製造更多敵人。

立法會主席曾鈺成近日炮轟政府有人在免去兩位局長職務後「放風」造謠抹黑，手法「蠢到不得了」，又指現屆政府沒有施政理念。田北俊指，未見過曾鈺成作為立法會主席多年，會發表近日如此言論，「佢講嘅嘢，有時仲離譜過我」。

他承認曾與已脫離公民黨的湯家驊商討，看看對方是否願意加入自由黨，但對方堅持要取消功能組別，這與自由黨立場不同，因此「傾唔掂」。明年便是立法會選舉中，他指已聽聞不少選民已開始討論，但不是討論勞資關係或來自甚麼專業，反而是著重政治議題，候選人立場如何。
http://hk.apple.nextmedia.com/realtime/news/20150729/54027033