投票要「等埋發叔」，港大校務委員會討論副校長任命都要「等埋首席副校長」!昨晚港大校務委員會維持擱置副校長任命，令學生不滿並衝入會議室，指摘由特首梁振英委任的校委會成員李國章，責罵對方「可恥」，混亂中校委盧寵茂聲稱，右膝「撞到硬物」倒地，李國章形容學生衝入校委會會議廳情尤如「香港文化大革命」。

獲遴選委員會推薦成為副校長的前港大法律學院院長陳文敏，質疑「真係經歷過文革，可返去問問文革係點」，希望各界不要被昨晚衝突場面遮蓋焦點，強調校委會做法違反常理；陳文敏今早在電台節目證實有校委會成員透過「中間人」，要求他退出遴選，並委批中間人的並非如港大校友，更指該位委員「唔係李國章」。

黃秋生近日都有留言港大副校長任命一事，昨日在faceboo留言：「話港大唔關港大校友會事嗰個正白痴仔，香港所有校友會中，我相信港大校友會最有影響力，亦最關心母校。若果港大真係唔關校友事，咁仲叫乜X港大校友會啫？叫福建大學同鄉會啦。」

秋生今早再於facebook補充一句：「香港大學唔關港大畢業生事，關愛字頭事。」有網民留言：「叫學長捐錢時咪自己人囉，校政嘅嘢就唔關事囉！」更有網民寫道：「而家係校委會事，唔關學生事，唔關校友事，唔關你哋外人事。」

另外，何韻詩今早更指校委盧寵茂聲稱右膝「撞到硬物」倒地，留言：「高難度動作，小朋友唔好學。」
http://hk.apple.nextmedia.com/enews/realtime/20150729/54026991