今日澳門金管局更新左對澳門經濟嘅預測，當中表示2015年澳門經濟會收縮百份之十五。只不過對於呢個博彩收入佔城市GDP 80%嘅微型經濟體黎講，呢個只不過係惡夢嘅開始。

就係舊年年初大陸開始加速打貪開始。澳門博彩業嘅按月收入已經開始掉頭回落。舊年第三季出現多年以黎第一次按年見負，第四季進一步加速，以致舊年全年博彩收入下跌約百份之二。即使其他行業仍然有增長，但已經足以令澳門出現按年GDP嘅收縮。

到今年第一季，澳門當季嘅博彩收入按年下跌百份之三十六，直接導致澳門第一季GDP按年下跌百份之廿五。再望望下面圖一，可以見到進入第二季博彩收入跌幅仍然有三成六，因此估計整個上半年澳門嘅GDP都係收縮百份之廿五左右。然後我地再對下半年澳門博彩收入進行三個預測。第一個預測假設下半年澳門博彩收入達到政府嘅目標，即係每月二百億，呢個情況下即係剛剛過去嘅六月澳門博彩業已經見底，即將反彈。呢個情況下，估計澳門2015年全年博彩收入下跌三成，對應GDP下跌估計約為20%。

第二個情況估計下半年博彩收益見底但並無回升，大約維持係每月一百八十億，呢個情況下2015年全年博彩收入下跌三成半，對應GDP下跌將會接近第一季嘅廿成半。最後的情況係估計去到第四季果陣大陸經濟放緩會進一步打擊澳門博彩業並導致博彩收入第四季再跌10%。而係呢個最壞情況下澳門GDP甚至有機會出現比第一季GDP稍壞嘅情況。
如果要做到澳門金管局所祈求出現的2015年GDP收縮百份之十五的話，咁下半年平均每個月嘅博彩收入就要起碼達到……二百五六十億。對比起六月嘅低位而言要增長超過百份之五十，即使係對比舊年年底嘅數據而言，博彩業數據亦要按年增長超過百份之十五。宜家博彩業連按月嘅數據都尚未止跌，奢望按年數據止跌回升就簡直係天方夜譚，莫講話要達成澳門GDP收縮15%呢個願望。講到呢度，不禁要對成立左大約廿年嘅澳門金管局講句：少年，你太年輕了。

至於，早些年一些親北京陣營曾經講過果啲契丹治下嘅澳門崛起以抗衡當年英國治下嘅香港崛起，所謂「洋鬼子得，我地都得」嘅論述，就自然不攻自破。http://www.vjmedia.com.hk/articles/2015/07/28/112332