今日下午梁特突然公佈：「中央免去民政局長曾德成與公務員事務局長鄧國威職務」，由劉光華等頂上。

據消息人士透露，曾德成上周四接到梁特電話通知：特府需要改組，而你已達退休年齡，所以請你退任。

初初以為至少三個月通知。豈知短短幾日，正式公佈，而曾德成局長即日離職。

同時，梁班放料：因「中央不滿香港青年工作不到位，青少年未讀過基本法」，所以炒曾德成，而鄧國威陪同，係「公務員人心未回歸」。

好明顯，係曾德成遭人長期上京篤背脊，「青少年人心未回歸」，港獨思潮，小德子同梁特孭鑊。而曾鈺成更時而對梁特駁咀駁舌，又傳係接替人選，正如一個令計劃、一個令政策，當然要清洗「鈺德池」，不過郁個細嘅先。

事後葉劉權威性評論：問責局長要性格外向，與各方接觸，而曾德成不善應酬，所以要炒。

咦，咁就好笑喎。梁特幾十年不應酬，又冇朋友，點解做到特首呢？



https://www.facebook.com/tokit.channel/photos/a.533448593394335.1073741825.272574169481780/911108575628333/?type=1&theater;