最近Sam哥吳鎮宇咁hit，自然又成為新聞人物啦，佢近日又被指會將囝囝送去好嚴格嘅新加坡學校讀書，噚日《衝上雲霄II》宣傳，佢喺TVB嘅《娛樂頭條》就澄清話冇啲咁嘅事，仲好直接咁力撐繁體字話:「依家好似大中華地區甚至東南亞，好似只係得香港同台灣保留繁體字文化，我好想我個仔識得繁體字，所以我唔會送佢去第二啲『非中文國家』讀書。而新加坡係簡體字國家。」

言論一出好多香港網民自然like爆啦!不過Sam哥咁樣係咪暗示內地係「非中文國家」呀?因住689又搵重案組出動話你洩露國家機密呀!

有網民力撐Sam哥謂:「沒有繁體字，我們不會明白我們的祖先有多大的聯想力與想像力；簡體字只讓人學會服從，因已剝奪了大家的創造力與智慧。所以，怎也不想繁體字在這片土地上消失。」、「如想推廣中華文化，首先不用繁體字之名，而用正體字。繁體之名是大陸推行簡化字方案後使用的，立場以簡化字為官方正統。」、「支持保衛<漢字>。」