在港違法逾期居留9年嘅12歲少年肖友懷（懷仔），尋日向入境處自首，希望獲得居留權事件，引起社會熱議。有網民就將事件同早年喬寶寶老婆唔獲批特區護照一事比較，認為如果肖友懷獲批居留權，入境處實屬雙重標準。

不過《壹》仔同喬寶寶做咗個電話訪問，佢表示支持入境處發居港權俾個細路。「我覺得兩個case，我哋用一個好心人去做呢件事，我唔可因為我老婆攞唔到，而影響到呢個小朋友嘅將來。我覺得應該要俾佢囉。」

咁你唔會覺得入境處雙重標準？「全球嘅入境處嘅標準都係唔需要解釋，政府應該順民意，其實例真係死架，人係生架嘛，我哋用番一個香港人嘅心去睇呢件事，佢送咗返內地，真係冇人照顧。9年係一個唔短嘅時間，佢逗留9年都想得到一個身份，父母遺棄咗佢，但佢阿婆真係香港公民㗎嘛。」
http://nextplus.nextmedia.com/news/latest/20150522/202165