5 June 就係我Big Day ，即係仲有唔夠一個月⋯⋯竟然係呢個時候先同男友家姐有磨擦！

佢家姐本身勁貪靚，之前自薦做我婚禮MC，其實我都估到佢會著得好『行』，已經有哂心理準備⋯⋯
（佢而家大肚大約3-4個月）

前幾日佢終於去左租裙，試好哂、比哂錢之後先Send相話比我男友知佢會著咩裙。平時我男友一定會主動比我睇，但果日竟然要我自己問佢拎黎睇，我都心知不妙⋯⋯我一見到張相真係當堂呆左（見圖）

我真係完全無諗過會有人著到咁黎我婚禮，唔講真係以為佢先係新娘⋯⋯我又求又癲又狂喊先叫到我男友同佢家姐講換裙⋯⋯

我男友Whatsapp同佢講『Um，你條裙好似誇張左D啊，可唔可以揀過第二條啊？』
佢家姐再Send多兩張黎叫我地三條之中揀一條⋯⋯（見圖）

我見到另外果兩條我真係再忍唔到，我痴哂線⋯⋯到底咩事？而家到底邊個結婚？點解要咁做？佢地係有睇過我D裙架！我之前D Blog 都有提過今次婚禮資女緊拙，我果D 裙係Taobao買幾百蚊條，簡簡單單，佢竟然著到咁？

我男友見到咁就同佢講『唔好意思啊，都係唔得，真係要轉』
佢竟然話『下，唔係啊，3條都唔得？！無得再揀其他款，你要我轉裙既話，你地比番＄2xxx租裙錢我囉』

係果刻我完全爆發左出黎！我有錢點解唔自己用$2xxx租裙？明明係佢揀D咁既裙仲要我地比番錢佢？
當晚我由8點幾喊到零晨3點幾先平伏左少少，但佢家姐條裙依然未解決⋯⋯
第2朝起身我諗住拎男友部電話打機，點知見佢家姐Send Whatsapp黎： 『我真係唔明條裙有咩問題，要搞到係到一哭二鬧』 我見到又失控⋯⋯

我只不過想係一生人最重要果日做最靚果個、做一次主角姐，點解要咁對我？將心比己，如果當初我著到咁去佢婚禮，佢又會點啊？

件事搞到佢啊媽都知，知我喊哂口、發脾氣，我睇完佢家姐個Msg無幾耐佢媽就Call我，但講真，我連佢媽都嬲埋，事關佢係陪佢個囡一齊揀裙既！

我唔聽電話佢仲不斷打黎，最後我叫我男友聽，但佢媽係咁問條裙D野，我最後都忍唔住搶左個電話黎聽⋯⋯

佢話『佢家姐唔係有心搶你鏡，你知啦，佢不嬲貪靚，佢只不過佢想著靚D去細佬個婚禮，加上佢又想遮住個肚，所以先揀呢D裙。我地無諗過你會介意』
我想講⋯⋯我唔信大肚得呢D裙著，好似用佢個肚撻我咁⋯⋯仲要無諗過我會介意果下先勁

我真係唔知點算，佢家姐仲要係MC，我覺得我係Big Day真係笑唔出⋯⋯

第一條Send比我地就係呢條⋯⋯


第二條⋯⋯


第三條


http://wow.esdlife.com/space.php?uid=70466&do=blog&id=248370