尋日打左去幾間動物診所，一d就話只醫貓狗唔醫倉鼠，一d就話full booking，叫我如果急就揾另一間，正當我google中，煩惱仲有邊間診所之際，有間原本full booking，外界評語唔錯既動物診所打黎同我講有人取消咗預約，叫我係預約時間前趕過去 所以我帶住當時已經止咗血，算係有精神既鼠鼠趕過去(用紙巾輕力咁按住流血既位置，一陣已經冇再流)。

去到之後，等咗一段時間(因為好多動物等睇醫生)，終於到鼠鼠睇 ，將鼠鼠既情況話咗俾醫生知，仲俾咗鼠鼠流血時既相醫生睇，醫生睇完相後又問咗d問題，之後幫鼠鼠檢查，照耳仔、磅重、睇口腔等等⋯
醫生話耳仔健康，冇乜問題，鼠鼠有d脫水，冇貧血，其他睇落都ok。之後醫生話睇完相再睇鼠鼠下體，佢初步判斷係膀胱問題，有冇其他因素就要做詳細檢查，例如照x-ray先知。不過醫生建議食藥先，睇吓點先再決定照唔照，因為佢覺得情況唔算嚴重。
之後我問咗醫生d問題，問清楚好。
除咗膀胱，仲有邊咩可能性導致鼠鼠咁？
醫生話有可能會係子宮發炎，細菌感染之類，但冇乜可能係癌症，因為鼠鼠仲細。
點解會有啫喱狀血塊？同埋另一隻走過去一齊舔血同咬血塊，有冇事架？
醫生話因為果d係體內既污糟野，所以要排出黎。至於舔同咬係因為清理身體，冇乜大問題。
咁同另一隻放埋一齊，會唔會有打架？會唔會關事？同埋點解成日好似身痕咁？
醫生話有幫佢檢查身體，冇打架而造成既傷痕，至於膀胱問題可以有好多因素，要檢查清楚先可以確定。睇過冇皮膚病，痕可能係因為木槺上會有塵，令佢哋覺得痕。宜家鼠鼠唔舒服，最好暫時分開住。
要唔要戒口？有冇咩唔做得？
醫生話暫時唔可以玩跑輪，因為運動果陣，血壓會升，好易出血。唔需要戒口，但最好食主糧，唔好食咁雜。

最後醫生話會俾4種藥，有抗生素、益生菌等等。我有問埋點餵，醫生話有俾針筒。後來拎藥問多次，姑娘話如果怕藥水會流出黎就要塞入小小，確保佢食哂。

番到屋企即刻俾水佢飲，佢終於肯飲 餵佢食藥果陣佢好抗拒，推開支針筒，不過斷斷續續小小，小小咁餵，總算食哂。鼠鼠宜家精神好番好多，不過因為病，所以比較易攰。

多謝尋日有提供診所資料同關心鼠鼠既會員