吳若希（Jinny）媽媽早前踩單車炒車入院，禍不單行，Jinny媽留院接受治療期間，Jinny嘅外婆謝何秀英病逝。今日Jinny外婆喺九龍殯儀館設靈，Jinny穿上黑色服裝出席；Jinny更表示媽媽已經得知外婆病逝一事。

今日Jinny外婆喺九龍殯儀館設靈，明日出殯，但Jinny明日需要離開香港工作，所以無奈缺席儀式。Jinny接受報章訪問時無奈表示，因為聽日嘅工作喺外婆離世前接下，所以唔方便推，而家人亦會體諒。

之前Jinny因為擔心影響媽媽康復進度，所以一直唔敢同佢講外婆過世嘅消息。據知Jinny媽媽依家已得悉外婆死訊，明日會出席儀式送別外婆。Jinny表示媽咪有傷心，但情緒尚算穩定，明日媽咪會喺家人同看護陪同下見外婆最後一面，而婆婆返咗主嘅懷抱，媽咪都明白係好嘅解脫。Jinny又提到媽媽每日都有明顯進步，雖然仲未好記到嘢，但婆婆嘅事佢都記得。