我呢個post要講既唔係話香港音樂單一化

而係香港有種好撚矛盾既音樂現象

第一，香港人又要音樂多元化，但又唔學習欣賞唔同元素既音樂。過往十幾廿年，beyond，太極出現，掀起夾band潮﹙其實係全球各地，夾band唔係一個潮流，只有香港先會係潮流﹚，再論近幾年，天與地劇集既出現，又推動左一班人去夾band，幫助令香港音樂更多元化。然而，潮流既其中一項特徵係好快就沒落，最後只得返所謂既「明星」。喺背後，有一班真正既音樂人努力付出血汗，做左更多唔同元素既音樂，但係反而唔受人重視，唔受人接納。例如逆流，門生。啲人一聽到佢哋既音樂，第一反應就係 ，已經好拒抗，甚至話佢哋製造嘈音，咁香港何來會有多元化音樂？

第二，香港好多人都對情歌覺得好討厭，但對唔同題材既歌感到反感。喺好耐之前，香港既音樂商業化，題材唔係我愛你，就係你唔愛我。另一方面，beyond既海闊天空，我相信大家都聽過，呢首歌主題係理想，最近已經有好多人對此生厭，supper moment 既無盡，呢首歌既主題就係理想，亦都有好多人覺得反感。原因就係係社會運動期間，有人利用呢啲以理想為題既歌，驅散人群，因此佢哋既歌就被人討厭。唔通我哋要討厭埋啲作品？

其實我哋點解學習欣賞唔同類型既音樂？我哋唔應該因為啲人亂咁用啲歌嚟達到目的，而討厭該作品。