首先，要定義"小圈子"我諗大家都心知肚明，唔係講緊出面GTA，咩機戰個d post，個d post唔係"小圈子"係因為裡面講既野全部都係同GTA/機戰有關
"小圈子"即係"交友吹水區"，裡面完全無主題，只係大家吹水熟絡下互相認識下大家
例子：6x號post、以前波台有個好似曼城定唔知乜野球隊既討論區，但入面唔係講個個球隊，係自己互相吹水，即係呢類"掛羊頭賣狗肉"既都係叫"小圈子"，宜家紅登應該八九成都係"掛羊頭賣狗肉"

好啦，咁點解"小圈子"要摺埋？

從小圈子帶黎既問題黎睇：
今日大家都睇到，小圈子post係會令成個討論區裡面形成一種勢力，而且呢個勢力會慢慢擴張

係一個討論區入面結群成黨形成勢力點解又有問題？
-呢樣野要視乎個個勢力既性質，例如：本土社運勢力，呢樣係膠登黎講梗係無問題，因為呢個勢力既目的係反共保本土，呢個目的係好，所以呢個勢力打從一開始就無問題

但係小圈子勢力點解有問題？
-係因為呢個勢力本身無目的，呢個勢力既唯一特性係裡面既人會好熟，一般會熟過圈子外面既人
-簡單d講即係一路有人講緊既問題，"收埋一班人係裡面講野，唔同出面d人講野"

但係我有keep住係出面講野，點解又有問題？
-你係咁姐，但其他人又點樣？就算全部人都係咁，但以後加入既人又點樣？
-對膠登整體而言，梗係想你係出面講野多過收埋係入面講野，但一個人上膠登既時間有限，梗係寧願留多d時間同你熟d既人講野多過同出面d人講

好啦，但宜家其實"收埋一班人係裡面講野，唔同出面d人講野"既情況根本唔明顯，點解你又要我摺埋？
-"做人唔容易"都講過，呢個係一個隱憂，有小圈子post既膠登比起無小圈子post既膠登，係會更容易出現呢個情況

咁你咪入黎小圈子post一齊吹水囉，我地唔排斥你，最好既話全膠登既人都入晒黎咪無問題囉，咪唔洗摺埋囉
-有全膠登人既小圈子不嬲都係到，就係膠登


從膠登討論區既性質黎睇：

上面都講"小圈子"係交友吹水區
-因為裡面講野既內容係你對住比較熟既人先會講得出，姐係無咩討論價值但你又想講既野，例如"哈哈，今日見到樓下看更阿姐係到打機"

但係膠登唔係交友討論區，個d叫5p

咁你係咪唔比人交友呀？但你係出面d post同人討論都會識到人喎
-出面d post主軸係討論個個議題，而唔係交友，但小圈子既主軸就係吹水交友

你憑咩決定膠登既性質？我覺得吹水交友都係膠登既性質
-呢個係我個人諗法，從613開始我都唔覺得吹水交友係膠登主要做既野，所以唔應該有呢種主題既post


咁貢獻論又點呀？宜家出面大把垃圾廢post又唔理，係都要屌小圈子
-我覺得貢獻論on99
-理想黎講垃圾廢post係唔應該出現，但現實就係要出現，同埋垃圾廢post都好過小圈子post，因為至少佢唔會group埋一班人，我會有意願入去睇佢廢up乜野，我一望到xxx吹水區就唔想入


點解針對6x號post，你又唔講神仙？又唔講冗員？又唔屌其他？
-係性質上面黎講，6x號post係完全無主題，係最典範既小圈子post，咁並唔係話神仙冗員無問題，神仙姑且都可以話係神秘學討論區，冗員都姑且可以話係辦工室討論區，但入面實際係點大家都心照啦
-其實最重要係無人想挑起黎嘈，人地神仙黨多到由FB湧到黎呢到，以前伊貝都大戰過，你估真係好好玩咩，你只要唔影響到出面既人咪算囉，講真真係唔想同你嘈
-今次呢件事都係，其實"做人唔容易"一開始都係想理性討論小圈子係咪真係有問題姐，你班友就咁敏感即刻洗版又剩，如果我唔係講左話6x號post要摺埋又唔解釋我都唔會得閒到出呢個post


[#fa0313]總結，如果唔想睇上面直接睇呢到就得[/size=5][/b][/#fa0313]
-出呢個post唔係要屌走晒所有小圈子，只係從小圈子帶黎既問題同膠登性質上面嘗試去否定小圈子
-即使上面否定小圈子既理由全部確立，現實情況都唔能夠消除所有小圈子，就我個人而言，1-2個小圈子post係接受得到，只要唔對外面討論造成大影響。
-無人想無啦啦去搞鳩其他人，6x號post係由深夜討論區慢慢演變而成，我知呢個圈子既形成唔容易，如果無影響到其他人我都唔想影響你
-最重要係，唔該小圈子裡面既人要有自覺，多d出去討論

坦白講，我都係比較鐘意以前深夜討論區多過宜家日夜長駐，係人都知深夜鬼都唔多隻，但確實仲有人，好應該開個post group埋講下野，係出面講根本無人會回，而且有d話題深夜容易d講
而深夜討論區個時外來人係易融入d，宜家真係難左，而且你唔會覺得個個post係for"深夜"，而係for個個圈子