話說男人點可以無車牌旁身

無車牌重慘撚過會考0分

由細到大既夢想就係要渣架靚跑車 ，隔離乘客位載住個著住褸屌裙既大波鬼妹 一生一大樂事 （諗起都 ）

好記得18歲生日果年，一過左生日第二日就即刻請左半日假，唔係去做排隊黨炒iphone炒紀念鈔 而係走去駕駛學院度報名學車 由於細細個就成日坐老豆架車四圍去 本身都知道哂點樣可以控制到架車 考筆試同路試根本對我黎講簡直係小兒科

幾個月後考完筆試，當然係輕鬆pass 咁就即時同師傅約學車啦 其實都係為左儲夠個學車時數 排期就排左大半年後先考路試，咁我每個星期都有去搵師傅學車，而且一直都好滿意我表現（因為我一早識哂 ）重話我一定一次就合格

幾經辛苦終於等到考牌果日，我一起身就執下個樣，用最靚仔既一面去考我期待已久等左十鳩幾年先做到既野

一去到試場，師傅早過我到左等我，同我最後講多次，（師傅：我覺得你實得，一定考到）咁我就入去報到啦，報完到我就坐上車度準備，等個考牌官出黎。

等左五分鐘左右，有條友個樣成條撚咁撚樣既男人走出黎，陰陰咀笑笑口咁，笑起黎有d似隻狼，佢行埋我架車度，開門上車，問完我名，拎完車牌同身份證比佢對就開始叫我出車考試了。第一樣係睇車牌，我雖然有近視，但帶左眼鏡其實同無近視一樣睇野咁撚清，當然可以清楚講出車牌

之後就考泊位調頭，完全難我唔到，三手o太調頭，一野泊入個指定泊車位，完全靚仔無出界，之後條撚樣就示意我渣出街考路試，踩極力子入一波，鬆手制起步，有職業司機一樣咁熟練既速度起步，好快就完成埋路試。

個撚樣就走返入去間屋仔度，話要開個會先知批唔批我合格，咁我就係出面等等等。。。等左20分鐘左右條撚樣走出黎同我講，唔好意思，香港有太多人有車牌，要唔好影響到而家有車牌既人搵食能力，所以決定唔批個車牌比我

撚樣！我屌你老母咩