首先假設香港政府已經唔係呢個政府。

Plan A
規定每位香港人人均最多只能住到300尺（包括暫時住喺外地嘅人，將會取得身份證而常住香港嘅人，如果男女打算結婚嘅話計埋多個BB）。如果有人擁有多餘嘅住屋面積，則多餘嘅居住物業收歸政府（即包租公變成政府），所有地產商嘅空置樓盤亦收歸政府（即所有非自住嘅物業收歸政府）除非地產商即時開售並由政府限制利潤。然後將所有租客住嘅樓變成公屋單位，租金以公屋計，甚至免租（生活困難嘅話）。但整個計劃無增加任何房屋供應。

Plan B
填吐露港，盡量起樓以滿足所有香港人嘅需求。並且規定只有等上車嘅香港人先有資格買，以及已經有樓嘅，非剛性需求嘅唔可以買（類似限購）。輔以打擊原來壟斷性地廠商嘅強制傾斜政策，並且限制所有入標地產商嘅利潤。但建築需要更多成本以及時間。而且唔係重新分配，只係平抑房屋嘅買價及租價。對於既得利益者可能仲有非常小嘅空子可鑽。

二揀一，你寧願揀邊樣？