有時候反思下，民主派成日打嘅香港「核心價值」牌，係咪有啲虛呢？

我認真核實下，香港核心價值包括：法治、人權、誠信、廉潔、新聞自由、言論自由、集會自由
（其中一派嘅版本）
睇到呢句，大家有無發覺有咩問題？







問題就係，以上七點，目前喺其他高度民主國家/地區完全具備，比香港有過之而無不及。強調呢點一方面只不過彰顯自己地方同大陸社會嘅差異，但另一方面嘅潛台詞係：反正其他地方已經有齊，頂唔順可以自己揾辦法走，亦即係走佬係符合所謂嘅香港「核心價值」嘅。所以圍師必闕，而唔係背水一戰，所以反抗力度就會弱。

於是有另一派認為，香港「核心價值」應該包括更多嘢：傳統中華文化習俗、中英雙語、華洋雜處……
但此又衍生出另一個問題，如果香港嘅獨特之處係同鬼佬生活埋一齊，噉喺外國嘅唐人街大把啦，而且近年漸漸發現唐人街對所謂傳統中華文化習俗保存得仲濃厚過自己故地，所以，又即係走佬係符合所謂嘅香港「核心價值」嘅，變相進一步鼓勵。

於是又有另一派，佢地不侷促於不可觸摸嘅形而上嘅嘢，認為香港「核心價值」最重要係包括香港嘅地理位置、地緣優勢，具體係咩呢？個人認為以下三點缺一不可：
一、航線上嘅樞紐
二、背後嘅腹地（大陸）
（一二兩者缺一不可，因為如果只有一無二，香港相當於印尼嗰啲孤島，無商業價值）
於是共匪會諗，喺腹地上建設類似嘅據點分薄香港，即所謂自貿區。但唔成功，因為三。
三、航線上其他各據點對該樞紐嘅信任。
但第三點亦有問題。……

首先，要確保以上三點，根本就唔需要有前面嘅法治、人權、誠信、廉潔、新聞自由、言論自由、集會自由……具體樣板就係星加坡，照樣得到其他地區嘅信任，外貿超越香港，再典型嘅例子就係瑞士，請問幫人洗黑錢食息算唔算係「瑞士核心價值」呢？
再者，所謂嘅信任其實就係西瓜靠大邊，因為除咗共匪國以外嘅世界其他地方都信任香港嘅商業品牌，所以共匪被逼信任埋一份，並長期利用香港，但一旦形勢逆轉呢？當然就唔係共匪稱霸啦，PAX CHI NA講笑咩。好簡單嘅例子，二戰，參戰雙方互相杯葛，西瓜無嗮大邊，你拍住軸心國揾食就要得罪同盟國，反之亦然。即世界再無可能有基本完整嘅航道認受性，周圍搶來搶去，噉航運樞紐嘅意義就會被削弱。

而以上一段亦啟發出一個道理：亂世嘅香港價值，會大幅差過，盛世嘅香港價值！我諗呢個亦係好多港豬唔想香港亂，唔想捅破嗰層牛皮紙嘅原因。

所以我覺得，喺抗爭嘅環境下，「香港核心價值」嘅牌宜慎用，過分仰仗其功力到頭來係會掣肘自己。[/size=5][/b]

而我同時喺度思考，香港係咪有一種人，假如此刻立即取消香港「核心價值」，噉佢地嘅利益絲毫唔會受損，反而可能會增加呢（當然嗰啲賣港權貴太容易估啦，先排除佢地）？人畢竟係利益嘅動物，我覺得如果可以喺沉默嘅大多數中定位到呢種人，從而歸納出另外嘅人，對抗爭形勢嘅沙盤推演係咪更有利呢？！