我每食完一碟牛腩飯之後都會興幸自己係一個人，因為我知道, 無人明白我
無人知道我係潮州粉麵檔所經歷過嘅有幾多
每嚿牛腩都經過濃郁嘅腩汁煮過，百度高溫
係經過歷煉, 係經過漫長嘅試鍊
每一嚿都有佢嘅歷史，佢嘅故事
唔識嘅人究竟有啲乜? 根本就好似d白痴港豬咁, 一無所知, 戇鳩鳩, 生勾勾
我恨我既人生唔可以好似牛腩咁搵到咁多好嘅伴侶, 白飯, 生菜, 炸魚皮, 紫菜湯...各有特色
亦搵唔到咁多知音人, 有時侯, 我自己一個坐係粉麵檔食牛腩飯 
我覺得自己係孤獨, 我覺得呢個世界係冇人明白我
我叫左枝忌廉 , 我望住樽入面黃色既汽水 
我望唔透, 我望唔清究竟呢個世界仲有幾多嘢我係掌握到 
我好迷茫 
當我離開粉麵檔，俾錢時發覺有個學生妹食緊牛腩飯 
我望住佢, 佢望住我 ，我地互相點點頭 
我好感動, 原來呢個世界仲有人係同我有相同嘅諗法 
我忍住淚水，走出粉麵檔 
頭也不回就走返屋企，或者個學生妹會問, 點解我放棄呢一段咁難得嘅姻緣？
我唔知道
係呢一刻，我覺得自己係一個浪子