毒撚衫都無件，我就只係應呼籲著左條粉藍色花花短褲出去，衫就係白色T-shirt有綠色圖案，係一個好撚索既外籍女子抱住張被既一角全裸。好拿正。

出到旺角，毒撚仔都好興奮，竟無半點怕人，笑笑口周圍走，十年唔出街原來好不快活。電話響起，shit，我要同人會合，即係要我溝通社交？我出晒冷汗，喺討論區上我又怕事唔敢拒絕人。我屌，竟然要同人一齊行，我貴為毒撚都只能講句屌你老尾，卻只怪自己當初應承左人。俾人起底日後點出黎行，我咁既尊容實在小朋友見到都驚到喊。

一諗想過，我接左電話”喂”。聽到一陣溫軟柔棉既少女聲音，佢好雀躍介紹自己，相反我講好少野，只要佢覺得無趣，就唔想認識我。

不久，一行人會合過黎，四五個全部都係女仔，十七八歲。我心諗：真係唔撚係掛，我明顯一個毒撚，上天都要咁樣作弄我、取笑我。我頂爆你上天個肺！

不得不介紹之後，眾女係咪都笑我毒撚，我不以為然。始終各女說話一多，便即臉紅。我不禁心寬：原來係毒西，都幾襯我既，又唔會笑我。只係見佢地衣著可愛，大部分都著短褲仔，又都叫有少少波，有個樣都幾靚女，其他就算幾好咁啦。我都係毒撚唔通我有機會咩，當即就同眾少女打成一遍，無左介心，點撚柒知…

“啊凡都唔算好靚仔啊…”啊凡就係我呢個毒撚，我心諗樣衰我自己心知，你又何必拎出黎講呢。

”唔係喎，都幾靚仔丫，可愛得黎有性格。”啊君面紅咁講，佢係我覺得幾靚既女仔。

“啊君你唔係啊？”啊草神色蠱惑，奸笑道。啊君支吾以對。我心諗：唉識左班毒西今日真係唔好彩，唔知點同佢地溝通，句句有骨，聽起黎心都煩。當時無諗係我自己沉默、生人必近既問題。

話都無咁快啊，講下講下我地到左西洋菜街。現時大約兩點既時間。幾多支旗，又蘭花系、人力、熱血公民。啊草帶頭破冰前進，眼前人潮不斷，我同眾女都面面相覷。嘩地球可以有咁多人，今日見到不枉此生。我地破冰前進，眾女唔知點解只係不停咁講我，問我而家我地係咪企呢到；一時又問我身家底細。柒啫下話大驚少怪，sorry囉。我諗起今日係做大事既，唔通同你地小朋友玩煮飯仔啊？女仔都係差D，兒女私情睇得太重。又諗起你地話我唔夠靚仔，取笑我都未同你地算！所以我唔係好應佢地。誰不知愈唔應佢愈興奮，欺人太甚已。

半個鐘叫喊後，我就非常肚餓，諗起遲左起身飯都未撚食。當即想走人啦。眼神同啊君相接，啊君好似好開心咁”啊凡你去邊啊？”

呢到出去恐怕經過好多人，我心感害怕，去M記食野又要同人叫餐。所以帶條女會方便D。我一野拖落啊君隻手，即刻向M記方向走去。到達時先放手，覺得果然行步路都順D。我望住啊君，佢：唔好拖我啦…

我毒撚出城諗唔到咁多，加上一個毒撚仔咁樣拖人地，沾污左人地小姑娘啦。心感抱歉，柔聲問佢想食咩。