此事令我百感交集，事後我參考咗多方面嘅Source，包括相關朋友，各方新聞片段，各派嘅節目（《匪類監察院》《逍遙遊》《搏擊會》《大香港早晨》《在晴朗的一天出發》《踩場》，以及各團體及個人嘅fb page（花生臺、屯門人屯門事、熱血時報等等）。以下係一啲非常零散嘅雜談，睇完先屌啦。

一、從腦燒問題開始。其實我一直懷疑立刻好藥房係有蝕無賺嘅，因為租金真係俾水貨客以及自由行（注意兩者不同）拉高晒，因為根據想證明佢係水貨店嘅屯門人屯門事嘅fb page，該店成日拍烏蠅，而自己識嘅住喺附近嘅街坊都覺得佢生意好差，而且無好似其他店（有啲有社團背景）噉批發大宗貨物俾水貨客嘅車仔。而腦燒話明自己蝕住都要做。於是我覺得佢開此店嘅目的應該係其他嘢，有可能係為咗個RX牌照，又或者瞞稅，又或者洗黑錢，甚至可能用來走白粉。總之係有其他目的啦，而佢公開嘅說法就係因為家人有特別嘅藥物需要。總之佢一定要開一間藥房，之後問題係開喺邊度。

二、《搏擊會》以及屯門街坊嘅一致說法係仁政街一帶喺十幾年前未有自由行嘅陣已經係藥房金鋪成行成市。其實有唔少其他例子說明相同行業匯聚於一處有利於經濟效益，例如矽谷嘅IT行業，Princeton嘅大學城等。所以可能腦燒貪入貨方便，就同仁政街其他林立嘅藥房黐埋一齊（菠蘿雞），順便賣埋其他日用品方便街坊，當然如果有自由行買來自己用嘅都唔會拒絕啦。此外個人認為係店面loop二線演員嘅廣告係一個好柒嘅idea，正如腦燒好多垃圾片一樣。

三、所以就帶出示威組織者嘅問題。我認為佢地，尤其係投身政治嘅鄭松泰無可能唔知道上述信息，但係佢仍然故意spin到一個位。that 腦燒開藥房導致屯門水貨客充斥。但係稍微親自做下功課就知道佢係屈鳩腦燒。而佢周圍又有幾個出發前起哄嘅人明顯同腦燒喺其他方面有牙齒印。再者，我睇到隊伍去到立刻好嘅時候唔係所有人都屌柒腦燒，有一部分人喺齋企喺度！再再者，之前嘅屯門示威吹雞post根本無提及腦燒！[#ff0000]所以我有理由相信組織者係將好憎水貨客嘅人帶去示威順便完成自己嘅私人目的。即係話組織者對自己嘅戰友唔夠誠實！[/#ff0000][/size=5]我其實之前寫嘅嘢重點唔係「吹簫」，而係呢個。坦白講，我係支持暴力流血革命實現社會公平，前提係自己嘅生存幾率以及勝算高於70%。任何革命都可能失敗，但係對我來講最悲哀嘅唔係失敗，而係成功之際自己嘅戰友喺背後向自己開槍，為咗爭奪革命果實，呢樣係我最擔心嘅。好似之前遮打革命噉，有人呼籲大家光復十字路結果自己閃人，有人喺前線挑釁警察後馬上散水（連同後方送上來嘅頭盔），又有人趁前面示威者同警察對峙嗰陣喺後面掟嘢之後散水，結果令到其他人因為自己嘅挑釁被警察打致爆缸及被捕。試問，呢種咁奸嘅人點做戰友？如果你作為士兵，你會唔會跟一個會為咗其他目的欺騙士兵嘅將軍呀？我已經唔係講緊熱狗唔熱狗嘅問題。我覺得一個人無論點激進都好，頭腦都要清醒囉。你地問心嗰句，你地係咪情願腦燒嘅藥房真係有做水貨客生意，真係有將成排奶粉擺出街？我覺得呢種心態就好似大陸人聽聞強盜喺銀行門口無差別殺人搶錢之後，就話希望被劫殺嘅人係貪官，一樣。

四、之後就係各個政治組織及中國人嘅問題。建制嗰邊仆街唔使講啦。溫和泛民為咗選票背棄自己嘅原則；藍血黨大佬文化，神科學歷崇拜；社記盲目追求被捕次數嘅律法主義；人力、新同盟、街工等定位模糊，尤其係人力，除咗白鴿黨苦主大聯盟之外好似無其他嘢。而雙黃一陳嘅組織就更危險：
大家都話「我係香港人，唔係中國人」但係咪流於口講口賠就滿足呢？例如，雙黃一陳嘅組織噉，先唔好理傳聞中嘅共諜、特漢問題。雖然佢地肯定唔認自己係中國人，[#ff0000]但我覺得佢地嘅組織、宣傳、策略、為人處事等方方面面好撚有中國特色囉！[/#ff0000][/size=5]除咗上一段嘅例子之外仲有好多。嗰種推卸責任、捏造抹黑、寄生騎劫、切割自保、嚴人寬己、表裡不一、雙重標準、單向洗腦，等等等等，幾乎同二十年代嘅中共一樣，根本就係中國典型嘅陰暗面，根本就係蝗性。本版提倡唔做中國人嘅人其實係咪應該反思一下，係咪發開口夢都識講「我唔係中國人」就大功告成呢？噉同梁匪振英話自己唔係共產黨員有咩分別？唔係中國人、打到共產黨呢啲口號旗幟，人人都識得噏，甚至乎可能將來投降嘅共軍為求自保，噏得仲口響過我地所有人。但係咪噉就「政治合格」呢？係咪噉就等於崇優呢？係咪就係一個優質精緻嘅現代公民呢？而家嘅中華已經被山寨，被騎劫。再唔係以前嘅中華，充斥咗好多劣質、污穢嘅嘢，而嗰啲嘢就好似病毒一樣，不斷尋找新嘅宿主。所以必須同佢地切割，寧願放棄中國人之名，但如果佢地從「大家都係中國人」進化到「大家都係東亞人」「大家都係地球人」呢？你仲點避？當其他地方嘅優秀民族發現你雖然自稱同中國完全切割，但係行為上帶有中國特色嗰種劣質、污穢，咪一樣睇唔起你。而個人覺得即使係喺膠登裡面，種種批鬥、不講理、嚴人寬己、狂妄自大、無禮、得罪人多稱呼人少，都充斥住呢種「中國特色」，損害本登嘅品質。

五、最後講下激進抗爭嘅問題。好多民主派，包括行動上有抗爭嘅社記、人力、民陣等等。都覺得抗爭嘅對象應該僅限於中央及香港政府、僅限於公共事業機構。而唔可以係私人單位。呢點我係強烈反對。因為過去經驗表明，只要佢地關門大吉，再唔係就出保安打手阻撓，就會係重複嘅、階段性失敗嘅、萬能嘅、典型嘅劇本。而UR嗰陣有人想阻止公務員返工，結果因為人太少失敗。甚至因為香港有龐大嘅公務員隊伍，無恥嘅政府甚至挑撥抗爭者同基層公務員嘅關係。而且此類行為流動性好低，揚短避長。所以我覺得係抗爭力量比較薄弱嗰陣，可以選擇弱一啲嘅目標，包括既得利益者中嘅小型個體機構，例如真係做水貨客生意嘅水貨店。所以我覺得鳩嗚範圍不限於人行道，必要時可trespass私人地方。但必須注意三個問題：
（1）量刑標準輕重有別原則。有人問點解今次示威者偏偏放過有社團背景嘅水貨店，係咪欺善怕惡。我覺得如果有兩間店同時做同等程度、數量嘅水貨生意，其中一間有社團罩住而另一間無，為咗降低自己嘅抗爭成本揀後台弱嘅打積累勝利無可厚非。但係，如果一間無做水貨生意而另一間有做，甚至如果一間做得少而另一間做得多，而後台一樣弱嘅話，噉選擇做得少嘅店打，而放過做得多嘅店，呢種行為就難以服眾，我所講嘅「眾」已經唔係另外嗰八成花生友，而係抗爭者內部嘅人，噉仲未算差，最差嘅情況係明知抗爭目標選擇錯誤，仲故意欺騙隨行嘅抗爭者。假如當抗爭者發現真相，當佢地因混淆是非被花生友唾棄嗰陣，縱使佢地當初係出於忠誠動機，[#ff0000]請問佢地下次仲想唔想跟你再來呀？[/#ff0000][/size=5]呢種傷害比失敗主義鳩做嘅傷害大好多倍。
（2）收益盡量大於成本原則。今次行動嘅收益有可喜之處，包括宣傳咗水貨問題嘅嚴重，大家好憤怒，輕微震懾水貨客（可能令佢地收貴啲），以及令目標店鋪水貨生意停頓咗幾個鐘頭。但成本卻係至少13人被捕。平心而論代價相對太大。所以人少嘅時候尤其要注意團結，以及流動性。唔好逞一時之勇，要時刻提防落入黑警捕手，提前幾秒就好走，轉移打游擊。除非人數有局部明顯優勢，否則唔好離黑警太近。
（3）自由意志原則。抗爭者到底係獨立個體，任何時候都唔應該臣屬於任何他人。淺顯嘅道理係，即使係北韓人，如果佢充分了解後都會堅持公民提名以及憲政民主。但問題係好多專制國家裡面嘅奴隸背後都有「槍」指住。 所以係咪要模仿專制政權，喺後面用「槍」指住抗爭者，所謂督軍呢？個人認為你如果比其他人更激進，就必須比其他人企得更前，當然，如果其他人退縮，你亦可以安全起見一齊退縮，另覓時機。但相反若果激進嘅人威逼溫和嘅人走得比自己更前，兩者之間就會橫生猜忌，被敵方利用。當然，我認同越有錢，越有名望，光環越大嘅人應該越多責任，越多犧牲，走得越前。
激進勢力壯大必須注意以上三點，相反做得唔好嘅話激進勢力只會被疏遠，人越來越冷感。而香港而家嘅激進勢力似乎面臨如此慘淡情況，特別係某啲激進勢力妄圖唯我獨尊，搞到大家激進又唔係，溫和又唔係，鳩做又唔係，唔鳩做又唔係，唔知信邊個好。只好繼續網上打飛機、

最最後，我覺得其實偽共已經多多少少滲透晒所有組織，係所有組織！只不過位置有大有小，作用有強有弱而已，亦不難破解，以後再講啦。