http://hk.apple.nextmedia.com/enews/realtime/20150207/53414108

衝出宇宙又闖入埋夢境嘅「宇宙巨G.E.M.」鄧紫棋，日前受訪時就講起談分手1年嘅舊愛林宥嘉（新聞連結：http://goo.gl/1jg67E），又話歡迎林宥嘉（Yoga）嚟睇佢嘅台北小巨蛋演唱會，但一句期盼未來男友要成熟、有擔當，好似暗插林宥嘉一刀咁。

而林宥嘉嘅現任女友丁文琪，噚日就喺facebook轉發咗一篇文章《刻意吃「冷飯」！減肥米飯新吃法》，仲話：「原來是因為冷飯比較瘦的關係啊～」粉絲回應：「難怪有人愛炒冷飯。」丁文琪就話：「冷飯放了快1年，吃了會生病啦！」之後又話「一起用幽默感戰勝這個世界吧！」睇落似係隔空暗寸「宇宙巨G.E.M.」喎。

唔知係咪因為女友隔空回應，林宥嘉就喺facebook同女友示愛，並貼咗張丁文琪充滿「動感」嘅照片，丁文琪亦有喺呢張動感照片留言，隔空與男友耍花槍：「下次照片可以選漂亮一點的嗎？」真係好鬼sweet。


丁文琪話要以幽默感戰勝世界。


真係講緊減肥？（丁文琪FB圖片）