是咁的
今晚本來想食間野突然full booking
咁就企左係門口等
點知有個鬼佬突然拍拍我膊頭叫我地睇下佢地menu
仲介紹佢細佬（大廚san）比我地識
又介紹下佢地既特色菜啊來貨啊背景啊之類咁

其實見到menu我真係感覺幾貴
至少我今晚冇預食咁貴
點知佢話今晚係個邊食都無所謂
遲d可以去食lunch（Emm⋯二百蚊一個lunch其實呢⋯還好啦⋯）

跟手佢地個經理行埋出黎 一望就知係東南亞mix個類
仲同我女人係度傾食晚飯既哲學
結果係冇預算之下就入左去

個大廚san見我地入黎仲拎左佢地d扒出黎比我點
講真 有靚牛在前都冇咩理由食平野掛
結果就挑戰左全場最大份（同最貴）既set dinner

因為份野真係等幾耐 咁就望下其他人搞咩
我發覺成個場都係聽到經理把聲
其他waiter都係行下行下
我個時就心諗 如果係呢班人企門口我一定唔會入黎
成班都係行行企企係吧台前面hea
只係得經理過黎同我地吹水（份扒等三十分鐘至少吹左廿分鐘）

後來啊大廚san比左張卡片我話以後黎都有九折
雖然只係得九折但係留比我地既都係一份心意 至少 至少佢都仲當你係客人 用個心去服務你

如果你係個客 你都想waiter同你多d交流啦是唔是？

（其實呢⋯我真係好鍾意食飯既時候r水吹）
（仲有⋯食物質素係重要 但係重視客人都好重要）
（最後呢⋯其實我返工返得好慚愧）
end