www.wongtaisin-yck.com/?page_id=326

近日搵資料時搵到，網址屬於黃大仙元清閣。

標題中之「一卜無知么十後」，見於第三頁，第三句。

似乎，連神仙都唔鍾意我哋呢代人。

我哋呢代，似乎一出世就有罪，喺原罪以外，罪上加罪。十年前咁上吓，話我哋呢代懶，乜乜物物，乜都收埋唔肯教，人又唔請，到十年後，連神仙都降乩話我哋，但係當日排擠我哋呢代嘅人，部份似乎開始教緊班九十年代或更遲出世嘅人…

到而家，部份人開始肯教返我哋嘢，俾返機會我哋，但係我哋學習能力嘅黃金時間，已漸漸遠去。到我哋記憶差咗，又或者有啲位學嚟學去學唔識時，到時又有人跳出嚟話呢代人冇用，之後仲要後浪推前浪…到底我哋呢代人嘅時間，仲剩低幾多？


大家仲記得雨傘革命嗎？

喺初時，雙學一直拒絕升級，十一圍金紫荊，反而俾班學生阻礙前進，到旺角俾人清咗，龍和道一役，話升級，點知出賣盾組，升級係虛嘅。

不過講返轉頭，咁遲先嚟升級，時機已過，大勢已去…到事後，周永康講龍和道升級嗰番話，至今尚未釋懷。