[#ff0011]×本故事純屬虛構×[/#ff0011]

『大家，我俾屋企人知道咗我同男仔拍拖，啱啱俾媽媽趕走，有冇人有地方俾我落下腳先？』
我在班Whatsapp Group裏，留下這句話。

「你唔搵你男朋友？」我的好友Cecilia這樣回道。
「搞咩呀？考緊mock嗰喎......」班中男神阿良這樣說。
「你ok嗎？不如陣間考完再一齊傾？」另一位女生阿晴則這樣回應。

凌晨5時許，我拖著行李，獨個人在街上走。
『搵佢？佢呢排咁忙咁辛苦，呢個鐘數又應該瞓緊覺......我唔想佢擔心呀......』按下Enter，眼淚也隨即留下來。
「你講你喺邊？」阿良問。
『我喺屋企樓下公園個草地度。』我回道。

天空由黑色漸漸變得有點光，也就是說新的一天已經靜悄悄的降臨。

阿良和由小學到現在一直都和我同校的好友阿文，都過來了。
「紙巾呀。」阿良輕輕撫摸我的臉龐，慢慢把我的頭抬起，用紙巾輕輕抹走臉上一條條淚痕。
我忍不住擁抱著阿良，然後放聲大哭。

阿良輕輕吻過我的額頭。「傻豬嚟嘅，唔好喊啦......」
「陳！梓！良！」oops。她是阿良的女友，也是我的同班同學。「你地做咩嘢呀！」
「冇呀，佢唔開心我先咁姐，攬吓咋喎......」「咁你又嘴佢？」
『對唔住，』我望住阿良。『係我打搞你地，搞到你地晨咁早就出嚟陪我。』我試作冷靜，卻蓋不住我顫抖的哭泣聲。
「唔好咁啦！你都唔想㗎......係我男朋友囉，明知你有仔都嚟搞你，我代佢同你道歉啦......」
『你地真係好好，咁都出嚟陪我，我真係好感動。anyway，陣間仲要返學，你地返去搵件衫先啦，我無咩嘢㗎喇。』

就是這樣，我們在草地展開了這一天的序幕。