近年多咗好多藝人出櫃，有時啲男星嘅形象妖妖哋，就會俾人誤會係同志，好似「羽毛」咁，係人都知佢最鍾意夜蒲媾女，但有次去中環拍嘢時，人有三急入咗公廁，羽毛儍更更，唔知大眾公廁係好多基男搵食嘅地方，小便嘅時候，隔籬個男人忽然同佢講嘢，問佢可唔可以做朋友，羽毛仲以為有粉絲埋身，好爽快答咗句：「OK，冇問題。」點知當羽毛想離開之際，嗰位男士就睩大眼問佢：「我哋都未乜……」羽毛呆咗幾秒，先知出事，即刻雞咁腳走人，佢話下次再去公廁都一定要搵人陪先敢去。
撰文：關仁