Excuse me，各位巴絲，可能因為我之前嘅投票post定義唔清晰，引致好多人投咗定義模糊嘅文化本土。
http://hkgalden.com/view/221590
因此我重新設置投票，並且會對所謂文化本土作更詳盡解釋並且拆分。而新增內容用斜體表示。

目前香港市面上催生緊濃烈嘅本土主義。而個人認為唔同人所信守、提倡嘅本土主義其實內涵不盡相同，其實至少應該分成以下幾種。

一、地理本土——
以與自己同喺香港出生、成長、接受教育嘅人視作本土認同嘅主體（即自己人）。此分類以時間為參數調節鬆緊。

二、政治本土——
以與自己持有相似政治經歷（例如逃荒、恐共）及政治立場嘅人（例如反中共黨、三權分立、要求重修憲法等）作為本土認同嘅主體（即自己人）。此分類以政治光譜為參數調節鬆緊。

三、經濟本土——
以，喺香港嘅各種經濟及福利政策對社會群體嘅劃分中，往往與自己劃分為同一類嘅，有相似經濟角色嘅人，作為本土認同嘅主體（即自己人）。此分類以財產為參數調節鬆緊。

依此類推，如果你都係信守本土，但並非香港本土，而係範圍更大嘅大粵本土、甚至南朝本土嘅話，則可以觸類旁通，參照類似標準區分。

以上內容可能令巴絲有啲唔明（尤其係各種參數），下面再詳盡解釋。

首先解釋地理本土。假如你係原居民嘅後代，甚至祖上南宋之前已經生活係香港，噉喺地理上你係最本土嘅。而如果你定嘅時間參數係四九年之前嘅話，噉喺四九年之前從大陸走避香港嘅人嘅後代都算係你嘅自己人；如果將時間參數調鬆一啲，去到抵壘政策結束之前，噉所有呢個年份之前喺香港嘅人及其後代都係自己人；再鬆一啲可以去到九七，甚至莊豐源案之後，將新香港人當作自己人。而如果你祖先唔係原居民，而係喺之後生活喺香港嘅移民，則在此類本土中，必須將之前嘅香港人當做自己人（此處暫且忽略對少數原居民嘅負面印象）。當然，「自己人」嘅意思就唔係平時friend過打band嗰種理解，而大概理解為嗰種互相認同嘅陌生同胞啦。[#00ff00]無論時間參數鬆緊點調節，重點係此種本土係以地理作為基礎區分。[/#00ff00]

再解釋政治本土。政治本土強調嘅係[#ff0000]對北方專制政權嘅對抗，以及對香港淪為冷戰以來所謂共產陣營與所謂資本陣營角力嘅棋子，淪為無法參與博弈，卻屢屢被忽略、犧牲嘅棋子嘅政治局面嘅抗拒[/#ff0000]。所以，此類本土與地理本土嘅顯著差異在於，一方面某啲親共賣港嘅既得利益原居民唔再係自己人，另一方面，海外離地嘅曾經香港人及其後代，雖然佢地喺地理上唔係本土，但只要有相似政治經歷及政治立場，則歸入政治本土中嘅自己人。以政治光譜作為參數，意思係，假如你身體力行支持流動佔領，噉你可以將光譜調鬆啲，將和理非鳩坐佔領等拉嘅歸入自己人，或者你支持社記人力全面拉布，可以將光譜調鬆啲，將有雖有本土理念，但不全面拉布嘅Miss毛同咖喱歸入自己人（當然白鴿黨就肯定唔係自己人）。而此處光譜可以向另一個方向調節，就係將口頭勇武嘅群體歸入自己人；再鬆啲，將使用盾牌嘅歸入自己人；再再鬆啲，將主動襲擊警渣，甚至主張就地搶軍火起義嘅巴打歸入自己人（呢個眾所膠知架啦）。或者你覺得必須調緊啲，以自己為中心太激進或者太溫和都唔得。而因為呢種本土派嘅特征係對抗，所以唔排除歸英撚。

然後解釋經濟本土。經濟本土與以上兩類最大嘅差異係，假設我係經濟本土，我地覺得只要社會福利、教育資源、住房問題、工作機會等分配合理，就唔會介意唔同群體嘅人生活喺同一社區。以大陸新移民為例，我地嘅主張係收回審批權，以及反對過快畀工作年份未夠嘅大陸新移民領取綜援。但[#0000ff]我地唔介意輸入人口及勞動力。總之我地覺得只要公平合理，一切就只係錢嘅問題[/#0000ff]。經濟本土以財產作為參數，意思係，假如我係一個本土窮撚，對本土香港人，我將財產參數向上調鬆，就可以將住私樓嘅中產歸入自己人，再調鬆啲，就可以將不以勞動報酬，而以股息、花紅等資產增值為主要收入來源嘅高產人士歸入自己人，甚至將資本大鱷歸入自己人（不過相信無人會將同好多巴絲嘅阿爺一樣自細喺香港生活嘅李嘉誠家族歸入自己人掛？)。而向另一個方向調節，可以將比自己窮嘅人歸入自己人（即使佢地會享用蛇齋餅糉，或者加入社團，收錢拆鐵馬、打人……）。當然，你可以覺得必須調緊啲，以自己為中心，太富太窮都唔得。此處並非只要財產大約相等就同係自己人，而係指有相似經濟角色，指基於各種經濟及福利政策對社會群體嘅劃分。所以，假如一個大陸新移民即使同我一樣有同等嘅財產，但因為適用於唔同嘅政策，所以唔係自己人（但如前文所述唔一定介意佢移民落來）。

再簡單舉例，如果一個巴打認為「自己同父母身份證都寫住AZ***先至係自己人」，噉佢酸洗邊種本土呢？
首先好明顯噉排除經濟本土。但究竟係地理本土定係政治本土就要再深入分析：
如果佢嘅父母係有AZ身份證嘅老移民，而佢認為，喺你家族移民香港之前已經喺香港生活嘅人，比佢自己更本土，同時將時間參數定界為九七，因此其他九七之後出世嘅雙非嬰或者新移民嘅父母都唔係AZ身份證，所以唔係自己人。噉佢就算係地理本土。
而，如果佢強調父母係有AZ身份證嘅老移民，嘅涵義係其他後來嘅新移民，無經過逃荒、逃中共逼害等政治經歷，無反共嘅情意結，相反佢地係有中共背景嘅大陸移民，要依附中共，巴結公安部先可以申請單程證移民，所以唔可以被當成自己人嘅話。噉佢就算係政治本土。

最後，當我同朋友傾呢個問題嗰陣，佢提出仲有第四類本土——文化本土，但我反對。佢以香港嘅特殊語言、習俗為例子。但我認為，首先，香港人當作母語嘅粵語廣府片其實係近一兩百年從廣州一帶傳入，香港原始嘅語言並不統一，有粵語其他片嘅圍頭話，有客家話、有疍家話等等。如果以語言作為本土定義嘅話，噉就唔係香港本土，而係廣東，甚至兩廣本土（大粵本土）。而如果以其他特殊習俗為本土定義，例如舞火龍、車公廟、神功戲等等嘅話，噉其實呢啲文化有好多都係近古代從香港以北嘅華南傳入，而且源流極不相同，只不過係由於此等習俗喺北方俾外族政權及共產政權摧毀，花果飄零，以致香港僅存其脈。所以如果以上一句定義本土嘅話，其實就係政治本土。所謂嘅「香港民族論」，不同來源嘅老移民喺香港文化共融等等，其實都係政治本土！[/size=4][/b]所以個人覺得覺得文化本土無必要自成一類。
再補充論證，雖然一個地區有各種各樣嘅文化，但係無一個緊湊嘅整體，可以叫做XX（地區名）本土文化。
因為文化係從社會嘅個體憑藉其創意產生嘅，因此文化上嘅差異最終都係反應個體差異，而唔係地區差異。就以電影為例，杜琪峰嘅電影同王家衛嘅電影都係自成一格，而馬田史高西斯、湛米基斯嘅電影亦係風格玲瓏。但係，從文化上，你點可以夾岩將杜琪峰同埋王家衛以香港為名塞埋一類，以視作與馬田史高西斯同埋湛米基斯有所區分呢？同理，點解要以香港作為文化本土嘅主體，而唔係大坑文化本土、元朗文化本土、香港仔文化本土、甚至廣東文化本土？
所以，並無所謂嘅某一地區嘅「文化本土」！所以我對之前投「文化本土」嘅大多數巴絲嘅理解係，要麼佢地其實信守政治本土，要麼佢地其實超出咗香港本土，而信守更大範圍嘅本土。

注意，選項有排他性，認為可以信守一種以上嘅本土其實係對本土有所誤解。但係我都係與人為善啦，每位巴絲可投兩票！[/size=4][/b]

最最後，個人覺得國屍提倡嘅所謂「本土」好有景轟，但為免先入為主影響巴絲投票，容後再論。