見到好多專頁都share左呢張黑警相, 呢啲人真係自己攞嚟。
但係我今日唔係想批評個男或者咩黑警打人, 而係想以女性身份, 講吓個女仔, 俾姊妹們諗吓........ 小心嫁錯郎。

女人嫁人, 除左對方係自己如意郎君, 有feel, 都要覺得對方係好人, 可以安心付托終身先制得過。你唔會想因了解而分開先搞離婚。呢件事, 話個男嘅捉人去差館姦好, 亂咁打啲無反抗能力嘅人都好.....咁嘅男人, 妳唔知就話啫, 經過左件事見到個人咁恐怖嘅本質....仲嫁？

女人一生嘅幸福喎！

有人留言又話「係港女貪錢，差佬錢多」, 但係原來酒席係由 • 長　洲 • 嘅 • 女 • 家 • 全 • 數 • 支 • 付　。如果事情屬實（我當係屬實評論啦, 反正都唔流得去邊）女家只係開鋪頭仔嘅小島民, 個女仔就做sales。件事自然就成個長洲唱到揚晒。喂, 男嘅當差, 唔係話好好搵嘅咩？（雖然大家心照，散仔得嗰二萬蚊左右都唔係話好有錢）.....
如果咁講，佢尐錢去晒邊？你話貼第二個女人有幾奇, 大把差佬包二奶叫雞, 呢啲根本唔係新聞啦。或者係爛賭, 大把差佬因為無所事事成日會賭錢, 欠下巨債出事, 報紙報過n次。俾啲野佢地做其實係幫緊個社會。

老老實實, 二萬幾人工又有咁多福利, 雖則唔係話好有米, 但係慳慳地, 唔會連結婚都要女家獨力出晒.......男朋友手緊, 同你捱有咩所謂, 真心鍾意就大家一齊捱, 睇少場戲囉。但你嗰份係政府工鐵飯碗, 勉強都可以話係薪高糧準, 連結婚酒席都要女家出晒？唔係AA，係出晒！唔係講金唔講心, 呢一刻你連呢啲錢都要女仔出晒, 將來要家庭點同你做人世？生仔有政府津貼, 你大花筒開都可以用晒呀仔啲奶粉錢, 唔知攞咗去邊喎？

仲話要姦女市民, 亂打已經無力反抗嘅人, 呢啲人, 好極有限。

有啲女人, 覺得嫁左先算, 個男人會為自己改。
唔好傻啦絲打!!!!!!
「好嘅男人响婚後會更好, 衰嘅男人响婚後只會更衰。」
真係風水佬呃你十年八年......男人嘅野, 一兩年就現晒形。

同係女性, 希望姊妹們諗清楚..... 見住有人咁樣踩入去, 只能夠寄望婚禮當日好似電視劇咁, 有個俊男跑到教堂開門大聲話：「我唔願意!!! 妳嫁俾我, 我會盡力對妳好, 唔好糟塌自己！」

星期日, 去shopping買吓衫先。講住咁多。

轉至:https://m.facebook.com/hkgalshelp/photos/a.783526641698757.1073741829.783514958366592/848757771842310/?type=1&source=46&refid=17
fb專頁:港女躺著也中槍