假假假假假假假假假假假假假假假假假假假假如出盡奶力成功爭取到雙普選嘅話，噉：

1. 喺立法會裡面，如果甲議員以四萬票當選，乙議員以三萬票當選，但喺立法會裡面甲乙議員都係均等嘅一人一票，就唔公平。所以個人倡議應該用[#ff0000]加權辦法[/#ff0000]計算立法會嘅議員投票，將甲議員嘅讚成/反對/棄權乘以四萬，再加上乙議員嘅讚成/反對/棄權乘以三萬……得出總票數比較，而唔係撈埋一碟嘅一人一票，噉先至公平。呢個辦法就要每票必爭，可以有效抑制惡意配票。甚至，喺呢個加權計票前提之下，就算所有參選人都當選議員都無問題。

2. 噉你會問，噉嘅話咪人人都參選立法會咬糧囉。所以就應增設以下規則，就係： [#ff0000]議員嘅收入與議員所得票數成正比[/#ff0000]，而且當票數高於某一門檻嘅時候，先可以喺立法會設立專屬嘅辦公室同埋助理職位；當票數低於某一門檻嘅時候，甚至會無收入，反而每開一次會都要倒貼錢，好似打官司交堂費噉。而且有專門嘅後排座位安排俾票數過低嘅議員。噉就可以防止參選人數過濫過雜。而另一個好處其一係呢種辦法可以防止老牌政黨壟斷選舉，以及限制樁腳同選舉機器運作。其二係普通無咩民望嘅小眾市民，只要得票大於零，就可以喺偶然情況下以立法會議員嘅身份發表自己嘅寶貴意見，而唔係原來嗰種假咨詢聽證會（雖然根據1，佢嘅表決微不足道），其三係喺特殊時刻，好多極低票嘅議員可以聯合起來對抗老牌政黨。

3. 由於任何議員都可以喺立法會發言，所以喺1、2點前提下必須假設[#ff0000]限制票數過低嘅議員拉布[/#ff0000]嘅規則。

4. 呢招最絕，就係取消議員嘅固定薪酬，改為[#ff0000]時薪制：只根據議員喺非法定假期內喺立法會大樓裡面嘅時間計算薪酬（休會都算）[/#ff0000],。防止議員掗住個位缺席抖糧。

以上四點如果實現嘅話，個人認為會令所謂嘅國際標準見唔到尾燈！各位巴絲同意邊點？麻煩投票。