http://pcm.my-magazine.me/main/News/9064

香港電視將於 11 月 19 日正式開台，貫徹其破格作風，早前就搞了個全民投票，公開投選開台劇。16 套候選劇集中，以《選戰》和《警界線》兩套劇集的呼聲最高，競爭最激烈。投票於昨日結束，《選戰》以 100,250 票奪冠，正式成為開台劇。

呢套劇有咩咁吸引，令超過 10 萬人投下神聖一票支持？首先，演員卡士相當強勁，包括李心潔、廖啟智、王宗堯等等。劇集主題圍繞特首選舉內幕，揭露人性的醜惡和鬥爭。講到特首選舉呢啲大家關心的議題，咁貼近香港人的生活，當然有吸引力啦！

至於同樣人氣高企的《警界線》亦會於 11 月 19 日首播，相信在不同時段播出。《警界線》的演出陣容同樣鼎盛，包括廖啟智、林嘉華、唐寧等人，故事講述警察與悍匪合作，打破界線，共同緝兇。警匪劇向來係收視保證，可能加上最近大家都好關心警民關係，就更加對呢套劇有興趣啦！