因為記憶有D亂, 所以

27號
一早訓醒聽D學生衝入公民廣場
就即刻去金鐘買物資比班學生, 當時好多人係間TASTE
大家唔識大家, 不過知道目標係咩
結果果左10支水, 幾盒保鮮紙,同埋口罩
當時仲幫個熱褲囡囡拎左箱水過去
點知去到政總天橋架LIFT度, 聽到第一句野"大家好, 我係白鴿黨既四方西....") )
心諗"屌, 應該又係拍拍手收工"
跟住放低物資就走左

28號
一早訓醒, 仲未散BAND, 約埋個FD買野去
又買左堆雨衣, 水, 食物去果度
因為大妖既關係, 人已經散左一大半
當時有牌寫住"你走, 民主會跟你走"
我同FD都同意, 又係階段性勝利, 下次再黎
留左陣就走
仲記得我地好ON9咁話黃洋達仲唔訓街?

下午, 電視睇到真係衝左出馬路
即刻換衫出去灣仔
當時見到好多人係高架天橋, 馬路
我好記得當我見到群眾第一時間聽到既係一個細路女唱既危城發聲
果一刻真係好感動, 等左咁多年, 香港人終於企出黎喇
仲見到一班人係天橋度阻住黑警唔比佢過
原來咁都得架
跟住行到落金鐘無耐, 黑警就放催淚彈
當時我係力寶中心地下, 果種兵荒馬亂既感覺真係好恐怖
一聽到催淚彈, 全部人即刻跑上力寶中心天橋, 我即刻用水濕左毛巾備用
跟住無耐媽就急CALL我返去, 因為老人家年紀大, 怕佢擔心, 留多左一陣就走人
走果時仲係太古廣場聽到黑警用橡膠子彈
返到屋企就一直睇直播

29號訓醒以為清左場
點知香港人咁勁,
之後我基本上日日都買野去支持, 加埋都洗左成千蚊
依家
亂講野會比 打