【佔領旺角】暴力拆路障(二)：神秘阿Sir來電 光頭佬：我做賊都唔怕
http://hk.dv.nextmedia.com/actionnews/videonews/20141024/53053985/61058693
昨晚綠色和諧策動拆路障大計，由晚上約7時傾至9時，光頭佬率先獻計，揚言會暴力清場，「我第一個動作一定要打，我情願佢（警察）拉我，你就同我拆晒佢（路障）。」

之後，同枱另一人則非常興奮地說，會挑釁集會人士「隻揪」，明示要故意「博拉」來轉移視線。其後光頭佬續說﹕「我就引傳媒嚟，你哋就拆其他！」又指示打人的反佔中人士要戴上口罩，而目標是今天要清拆旺角全部路障。

度橋其間，光頭佬又接到電話，直呼對方「阿Sir」，「阿sir，佢哋真係喺旺角，你明唔明，我已經幫得到就幫。」之後又向對方說：「有咩你就講，我做賊都唔怕，何況做呢壇。」

眾人談到如何清走路障之際，光頭佬向伍忠榮等人說﹕「[#fa0f1e]頭先阿Sir講呀，你再唔搞掂，你清楚呀，你落我（阿Sir）面啫。到時淋火水，不妨咁燒，你咪自己諗喇！[/#fa0f1e][/size=6]」此言一出，震攝全場，眾人鴉雀無聲了一陣子。