我本身係金鐘某橋底休息緊
（5日都無好好訓過15<個鐘
今日真係頂唔住）
但岩岩有人話金鐘唔夠人
咁我就話出去幫手啦
點知又有人出黎嗌停話冇用
無用係咩意思？
因為唔會清場所以出去都無用？
因為我地唔出都會有人出所以出去都無用？

我想講既係我地唔係係到以逸待勞
而係要自發堅守住自發地幫手
可能條街好熱好辛苦會休息唔到
你可以唔去
但我地唔係要舒服嘆世界等結果
而係希望可以為今次呢件事出汗
加上人地都企哂係身
你憑咩叫人唔好去？
一句無用搞到成組人坐返低哂！
你好意思？

我知咁多位膠登仔都好有自己一套
但希望唔好將自己果套強加係人地身上
因為就算我地大方向係一樣
但都會因為中間過程意見不合而有反效果
自己做自己既事
呢個係出面依家鼓吹緊既態度
但我地果組人應該記得
呢一句係我地第一日見果日
我都已經講緊
所以係到提多一句
如果你有自己一組人既
希望能夠小心幫自己組做決定
然後做自己認為對的事

我好大機會會留守到最後一刻
都希望大家加油
唔好因為有人係中間做花生友/左膠
就俾佢地打巢

我地要俾人知道
香港人係呢件事上面
唔會三分鐘熱度

堅持到底，就是勝利