首先小弟祝大家中秋節快樂先
祝大家同有情人長長久久，家人相處融洽
大家今年食左幾多月餅呢？

小弟因工作關係家中已經囤積了八盒月餅睇怕都夠我食過年。對住啲油滋滋嘅月餅真係食多兩啖都反胃

但食月餅食左咁多年，邊隻月餅你食完令你最有反胃感呢？
講明先，只能選一種，無得話咩並列最難食或xxx之一，因為係「最難食」。

小弟記憶中最難食嘅係大班嘅榴槤味冰皮月餅，大班唔知係咪有心玩野，將榴槤嘅
純臭味抽出放入個月餅度
而香甜同榴槤香味完全無左，真係講起都覺得臭
我咬左一細口就丟左入垃圾筒，最恐怖係半個鐘後成個廚房都充滿住果種臭味 足足維持左成個鐘先消失！！

小弟在此勸喻大家千祈唔好食，唔係你一定會後悔一世