屌之前唔該睇曬先屌，我講既理性務實只限經濟層面，唔講其他

首先，我地唔可能預計中國經濟幾時崩潰，佢可能下一秒就爆煲，又可能N年之後先爆，唔通我地做既就只係等待，冇其他野可以做? 即使佢真係下一秒爆煲，世界經濟實在太過interconnected，爆左煲既中國需然經濟應該會大跌，但依然有佢既存在價值，正如象牙海岸(科特迪瓦)咁窮都有可可豆等成為世界經濟一部份

香港從來甚至將來都無可避免要同中國呢個地方做生意，本土派亦唔應該諗任何經濟上「排中」既方法，本土派要諗既係點樣可以用世界既market(英美歐日韓、南亞)平衡返中國對香港經濟既影響力，而令到「外國勢力」係香港得到巨大經濟利益，但絕對唔可以「一邊倒」向任何一方，依賴中國既後果既大家都知就係香港乜野都會冇曬，但如果中國係香港既利益唔大，而外國既利益極大果陣，假設最壞情況中國要整死香港，佢絕對會做，仲一石二鳥添，所以必需拎一個平衡點，保障香港安全

簡單講個比喻如果大雄依賴技安就大雄被SM，但大雄如果渣住技安死對頭(當係呀福)副身家，大雄係唔驚技安唔俾錢佢洗，但技安打大雄既cost係接近0果陣，即使呀福借武器俾大雄同技安抽過，大雄都會受傷，如果大雄想保障自己就係要搵呀福呢條水喉射住，加要渣住技安副身家，技安先唔會郁到你，當然你話技安發癲自己副身家都唔要就冇得講，但係大陸即使文革咁癲都未癲到咁

一句到尾，即係兩邊既錢都要搵，仲要三方都搵得都多

當然你話自由行影響民生，咁咪cut咁D人，但係香港仲未有經濟出路果陣你話cut人我包你上台之後因失業率高企唔夠兩年收皮，所以大家根本唔係要講cut幾多自由行，而係要講香港有咩經濟出路代替自由行，當然你up到好多，但香港適合發展邊種? 世界要乜野? 呢D全部都係政策研究範疇，但香港冇人做呢方面研究，對家就淨係「背靠中國」、「分工」，目標將香港變成中國既一個城市，本土派甚至所謂泛民所有政策建議都係就頭痛醫頭，腳痛醫腳，所以條條戰線都打得好散

民主，唔洗爭，一定冇，否決政改方案就得，本土派要用呢兩年時間做研究，並規劃一個經濟上可以制衡中國，但唔係「排中」，令香港重上世界舞台既經濟(包含民生)藍圖，並說服香港人接受