大家好，又係我曲線獨角獸
見到標題入來嘅你，係咪已經諗好or知道自己想做咩呢?
如果你未諗好，我俾一分鐘時間你諗下先。
下面的問題或許可以幫到你

你有無一個缺點長期俾人話？

你有無試過好憎/唔喜歡自己某一點性格？

你有無啲野應該做緊但你唔去做？

有無想學嘅野但因為自己or無時間而無學？

有無啲事你半途而廢？

有無啲事唔做會令你後悔或者已經發生左？你可以點補救？

你會唔會孤獨？

你快樂嗎？

------------------------
以上問題相信可以幫到大家知道自己有咩可以去做
我唔係心理醫生，我自己都有唔少問題，開呢個topic原因係想大家反思一下自己有咩可以改變，做得更好
同埋入來開心見誠可以令膠登眾親近啲，暫時忘記內務長選舉而搞到大家反目成仇

好，如果你諗到就不防講哂出來 ，下面會講呢個遊戲點玩。

玩法:遊戲好簡單，最緊要你敢講。
係呢度講完有咩要改之後，其他巴絲見到請記住，當你見到對方係膠登開po或回覆你都可以輕輕地提一提佢，等對方唔會掛住上膠登忘記自己對自己的承諾 。
例如我係到講我要減肥，你之後見到我出食堂post時你可以係回覆入面加句[減肥減成點呀？ ]藉此等我記得自己肥呢件事

當然，玩得嘅巴絲都請謹記，你只係提點唔係人身攻擊，語氣唔好太重 。我相信經常提倡理性嘅膠登仔一定識做


Anyway,等我開始啦!

以下係我想係半年內改變嘅事:

我要健身

我要學結他

我要keep住睇書，學習更多

我要跑到馬拉松

我要做事不再拖泥帶水

係咁多先，希望各位巴絲見到之後提點下小弟啦

P.S 直覺同我講呢個po會好多負皮