你淋咗未?

好多人問我，Join 咗 IBC --- Ice Bucket Challenge --- 淋冰行動未呢?

我話未。IBC確實係個人意志大挑戰。名人精英示範好了，切勿全港一窩蜂。

淋冰亦要小心，小朋友要尋求家長指引，以下三類人，亦不可以人淋亦淋：

1，有高血壓心臓病者，一淋就要叫白車，由養和到 QM，香港醫院床位已經好爆。

2，性好投訴的，淋完重傷風大感冒，除非控告到美國豬伯格，否則係冇得索取賠償。

3，自稱有邏輯思考的高級知識份子，亦不宜淋。冇錯，喺邏輯上：

a. 感受肌肉萎縮痛苦，唔需要透過自我淋冰來分享；任何男性，如感受下被雞姦嘅痛苦，亦不需要搵個猛男來試下。

b. 即使想感受分享，淋冰亦毋須公開，歡樂渲染，嘻哈聯羣，正如第三世界監獄，暗無天日，好多男性在囚人士任人魚肉，慘遭鷄姦，想分享下佢哋的痛苦，無論男女，係唔使買條青瓜，Tag 三個好朋友，齊齊挑戰，喺政總大門外一齊試下的。就算好想，可以一個人喺屋企，等爹哋媽咪出咗街咪得 Law。

c. 既然肌肉萎縮係好大痛苦，而淋冰接龍係與眾同樂，咁 E 個世界，痛苦係咪等於歡樂呢?

唉，但不過係淋桶冰水啫，令個頭腦清醒 D，玩下啫，好多人都需要，又做咩咁高深呢?

普天同慶，維港同冰，港女固然 要試下做姜大偉個老婆「你淋淋」，而港男亦應試下梁班子卡片局長「鬚咁涼」嘅處境，而且男人老狗，淋完冰，即刻撲去沖個爽拿，分享下「反佔中大聯盟吹鷄人」--- 周融嘅冰火亢奮 La!