是咁的，上個月小弟得知The Butchers Club係灣仔開左店後一直想去試。到底呢個傳聞中最正嘅漢堡包有幾好食呢？！
於是，今晚小弟就召集左各方食友到此一試。
八點去到，啲人多到迫爆間舖，我當堂嚇左一跳！！
細問之下，原來此店不接受預訂，店員亦不會留位，全店free seating！難怪廿個坐位有成幾廿人等啦。
等左四個字終於等到六個位之後，我地當然逼不及待點餐啦！但奇怪係店內Menu得普通Burger同薯條，未見有傳聞中嘅Double Happiness，原來要scan左台內一角嘅QR CODE先有得睇特別Menu,認真鬼馬。

網上先有的Menu

店內工作情況
睇完Menu，餓極的我們豪氣地點左五個Double Happiness同一個Regular Burger!

由於店舖食物全部即叫即做，所以等待時間都相對長久……我地等左足足25分鐘先有得食#cry#

終於到！！

近照

手臂咁長！

食評：Double Happiness果然名不虛傳！上下兩屠麵包外脆內軟，而每一層中間有一塊芝士在內，意味著其實係兩塊包合二為一而成！
包內有濃濃的牛油香，令人食指大動！得罪講句，單單係呢塊包都已經打贏你時新十九條街！
而再入一層的芝士不但香濃，更非常有咬口，與麵包相得益彰！
蕃茄及青瓜不但能減退肉類的肥膩感，更可促進食欲，每一口酸酸脆脆的感覺令人愈咬愈過癮！可惜係各得一塊，食到後面難免感覺油膩。
煙肉！外面睇唔到的煙肉都唔係百記廿蚊一包的垃圾貨色，塊煙肉不但有油甘香，仲好有肉味，正！
漢堡！食漢堡包最重要的一環，如果你塊漢堡肉唔掂就不如一槍打死我！而佢果然無令我失望，該漢堡肉不但牛香十足，更肥瘦均衡，令你每一口都有齒頰留香的餘韻。而且每一塊漢堡肉都煎至五成熟，令內裏肉汁留著，當咬下去時肉汁就會四處濺出，鮮味十足。

總括而言：The butchers Club的漢堡真可謂香港第一，當之無愧。但Double Happiness份量實在太大，小弟九點半食完後飽到上心口至發文一刻，各位巴打如想挑戰建議兩人一齊，以免食唔哂浪費。$160真係好很抵，唔計等位同等菜比較耐The Butchers Club真係一個唔錯嘅晚餐地點。
P.S:Gallica個Icon plus壞左都未整好！搞到我無得用腦魔Icon!!嬲！