嗯…唔同意睇完就算 不必介意。

1.
翻譯/ 引述外國新聞
轉述+百幾字評論
蘋果做唔少。
YOUTUBE 熱門片加幾隻字：
用十分鍾掃下youtube，E呢條片幾好笑喎，打50字講下，POST條link
(呢期我睇緊半個人咁高，裝machine gun既軍士機械人，好似叫sword，美軍係伊拉克 都有用。睇片睇佢行正過睇字)

2.
想睇多D英文練下英文既人，可以
翻譯下外國既文章/消息/新聞(藝術電影設計時裝社評時事)，再加百零二百字自己既評論。

然後beta version掉上膠登比人debug，(睇D人點講，有時打野D point會得自己先明 ) 得左再掉上時報。
咁膠登同時報都係有用處。
膠登有開放式校正﹑編輯室既功能
咁咪大家合作

3.
投稿兩字好嚇人，「高質」兩個字更嚇人，
我就覺得人人都有經歷，喜努哀樂人人都一樣，當你流馬尿時既傷心同人地流馬尿時既傷心係一樣。
所以差在肯唔肯講。
一講，就總有人有共鳴。

中學生做功課，覺得點係一個好老師，講下自己學校個老師幾好，到講下伊拉克局勢都講得。

時報可以有個容器放呢類，
文章質素介乎社評同口水文﹑吐苦水﹑長篇大論講感受到專業「高質」文章。
有共鳴就可以，行文唔講究，口語都可以。

時報可以開一個部份叫茶寮/巿井/十字口/榕樹頭撥扇 既section放呢D
文章100-300字。可以用口語。
咁門檻一底自人會試。

我條女岩岩比我睇隔離登有海洋公園前員工用口水文講佢係入面做點比大陸人強姦。
係口語，粗口，但佢講既內容，比打開報紙幾千字社評有吸引力。(例如三千字預測未來樓巿果D)
同一個人，點解佢唔寫篇野投852?
因為怕麻煩，投稿兩個字已經嚇死人。
上網9UP一樣好多人睇。

負面： 呢個section可能會變成垃圾缸。做臭埋時報個朵
正面：人生有好多階段，有D人生階段既聲音係比人抹殺左。有D感受，可以抽到出黎比人睇。
試想下，一個六歲小朋友，每日寫低同媽媽﹑翻學既感受日記，係可以出一本書，會大把人買，大家都想知小朋友角度呢個世界係點。
受歡迎，唔係因為佢行文好，係因為佢既感受有價值。但六歲小朋友唔會投稿去852郵報。

時報可以整個容器放呢D，降底投稿門檻。
so far而家網媒冇人會放呢類型既野。
呢類型既文字，好處係可以好即時，同極則近生活：例如樓下有大陸人拉二胡，日日自已鋸自已好煩，就快考試都溫唔到書。

好鎖碎，所以要叫茶寮/巿井/十字口/榕樹頭撥扇/草根生活 呢D名以提下D人，呢度唔係正式架，可以去隔離睇正式評論文章。

click入去 茶寮/巿井/十字口/榕樹頭撥扇/草根生活，有若榦題目，比人下面加經歷。然後編輯揀邊D放出黎。
咁咪好好睇

利申：具體操作我冇仔細諗過，可能有人話行唔通，或呢部份冇人做因為佢係雞肋，搞唔大，
或者 forum本身咪係咁用lor，時報做乜要做一次。
時報可以做引導同篩選既工作。
(引導=做D野比人易D寫感受，填form同寫文都兩個難度。)

3b
第三點係講用另一個更底既門檻去套每個人心中值得share既感受。(唔用投稿高質文章既方法)
咁填form咪簡單好多。
所以時報可以用時報名義，加膠登投票係統做下D調查。
除左大路題目：你覺得自己係咪中國人？ 外，
可以好啜核既題目(做上網冇人做既題目)，例如鑽D生活細節，例如你接唔接受到足否 廁。

我諗到乜打乜，篇野冇乜組織見諒