1，大家請簡單介紹一下你自己 （簡單講下user name,自己大約年齡，從事行業）

我係Lana Del Rey 職業係一個歌手
啊 唔係 我係一間大公司小職員
只係一個濕鳩PR
而我既年齡就同Lana Del Rey差唔多啦 不過未夠三字頭

2，你地參與左冗員區討論有幾耐?

唔太記得喎 人係向前望唔係向後望
不過我第一日register既時候就應該已經上冗員post
咁我又真係一個自命冗員既非冗員嘛

3， 有邊個有無邊個係有post one一直留守到依家?

我唔係 我十一月先register架

4， 你地份工係咪真係咁得閒，個個返工唔洗做，全職吹水?

有邊個打工會得閒 你估我係誠哥個仔定係689
如果有邊一份工可以只係返工唔洗做有人出糧比我
麻煩你地話比我知 我一定會辭左份工仆到去做

5,響冗員post入面你地會講咩話題多?

上至天文下至地理咩野都講
講下尼采既存在主義 講下寫實派畫風點樣影響學院派畫家
又會講下俄國小說我們入面提過既自由意志點樣影響社會
亦都會講下Jean-Paul Sartre既存在與虛無咁囉

不過最多既一定係閃光彈 入親黎次次都會中伏
人地會唔開心架嘛

6，你地心目中有咩難忘事響冗員post發生過呢?

一定唔係咩野開心快樂星期三啊 I am rick啊
加奶比人派一萬七千粒膠同計錯數啊
一定唔係呢D 不過如果唔講呢D又可以講邊D
我自己都唔知

7，有冇人試過入嚟冗員post搞事?

搞事 佢搞事我就搞佢
我話你知邊個搞事我就捉佢出去屌鑊勁既

你唔好挑釁我 我係痴線既
你知唔知呢個世界咩人唔可以惹
就係窮人同痴線佬
正好我兩樣都係

8，冗員post成為膠登最長壽post，你熱有咩感想?

一年既時間其實話長唔長啦
不過每一個長壽既人都想自己更加長壽啦
如果要講感想既話
我會用一句做總結

我希望呢個只係逗號唔係句號

9， 就有巴打話你地係小圈子，請你地為冗員post平反

小圈子呢樣野呢
我唔覺得需要解釋
你自己入黎親自體驗係唔係小圈子啦

我自己就對咩人都咁一視同仁既
不過animal farm有教大家
"All animals are equal, but some animals are more equal than others"
對於所有絲打我係會有更大既耐性架

10，認為膠登有咩可取同不足之處?

可取之處就係自由
同埋五毛唔多 立場相近

不過都有唔少不足之處
好多人以為上網要唔係你死就係我死
比人講兩句就彈出彈入

好心啦 你老細指住你黎罵你係唔係就辭工啊
上網比人講兩句要生要死都唔知做緊咩
除非你既人生只得網絡世界
如果唔係咁撚上心做乜野

補充多兩句啊 係現實世界你都冇可能convince所布人接受你自己個一套
你又何必強求成個網絡世界既人都接受你

講得岩聽既 你真係有錯就認囉
講得唔岩聽既 你唔覺得有錯既 咁咪將對方既意見當係笑話

笑罵由人四個字我送哂比膠登所有USER

11，比你同一位膠登會員講句說話，你會同邊個講?講d咩？

獌狗駱賓王爾德快D上水 你班獌狗兄弟等緊你

12，仲有冇咩說話想補充?

人生唔係只係得膠登呢一度
得意失意放上心做咩
係網絡世界大家都只係一個過客
大家都只係想係呢個platform上面分享下自己既野

比人屌又唔會受傷又唔會痛
佢屌你又可以點
點解要為一個你唔識既人唔開心
我都唔知你地諗咩

講完之後又會有人話我好似一個高高在上既批判者
以為自己看透世事去教訓邊個邊個

對呢D講法我只會講
唔岩聽唔好聽囉屌我我又唔會痛既

是唔是有人幫我錄?