是咁的
我上個sem同左個女神系花一組(佢主動要求的,仲拉埋幾個FD一齊)
咁大家一齊做project都相安無事，仲幾開心添
女神都幾欣賞我添
例如有一次：我地傾野要整個mind map
佢地個袋仔細細，筆都冇支
咁我由file拎左張A4紙出來
女神無意講左句：D紙又幾白淨喎
呢個時候梗係要show下我D humor啦
我話：係呀,白過白白韻琹架，哈哈哈哈哈哈
女神：哈.......你都幾幽默架喎....
雖然佢表情無點笑，但我知道佢係一個唔外顯既女仔
之後好幾次約出黎傾佢地都唔得閒
上堂又好少見到佢地
咁有一次上堂見到，咁我坐埋佢地度問佢地得唔得閒一陣傾點做啦
佢話：唔得呀,我一陣約左....哼唔......要探我麻麻呀，佢病左
另外女神兩個FD一個話要返PT，一個話要照顧細佬喎
我話：咁....好啦
此時既我顯得有點失落
跟住女神話：如果呢科攞好Grade，我同你一齊食飯慶祝下吖
作為一個小毒撚既我,十幾年來都冇女性搭話
今次女神主動出擊，仲唔係上天要我行桃花運??
之後有幾次佢地都唔得閒,個project都係我一個做埋


到presentation嗰時，我有D擔心，個 project佢地冇咩點做,驚唔識講
跟住女神個prof.冇要求每個人都要講，不如我講,佢話幫我click PPT
我話好啦
女神同我真係好好默契,每次想轉頁時我對佢笑一笑佢就好快轉
唔通我地係神鵰俠侶？當時我咁諗
到pre完之後prof.俾feedback啦，評價都唔錯,一如我所料
咁我問我女神係咪食飯
佢話好呀，得閒約個時間啦
之後走左之後聽到女神個fd好大聲講咩：....傻仔...食飯....
我聽得唔係好清楚就走左。當時覺得唔係講我，而且我唔中意偷聽人私隱
不過到今日女神都冇約我
但係之前未presentation前成日whatsapp都有回我，有時半個鐘一次,算幾熱烈啦呵?
仲成日回我呢個ICON

不過而家我問佢幾時食飯又唔回，明明有ON
唉.........................


我想問問大家：
其實佢個fd會唔會係講我？？
我女神有冇機會係玩緊我？？
佢唔係好欣賞我架咩？？？


利申：成積幾好，樣唔毒，Ｄ人成日話我似安德尊有明星相