長毛不在抗爭，就在抗爭的路上。雖然每日出入立法會大樓，但少有在草坪上停留，忽然驚覺風景美好。

非常人語
奇幻潮　梁國雄[/size=5]

立法會加班再加班，保皇黨還未放暑假，梁國雄已叉完電，還剪了一頭清爽短髮。他的「度假屋」在荔枝角，但山中方一日，世上已千年：「只不過係廿六日，成個香港已經變咗。後面呢間係細監獄，走番出來，係大監獄。」過去一個月發生了很多事：吳亮星演馬騮戲、梁振英執玻璃、七一遊行加佔中預演。但長毛不在，抗爭總是少了一點色彩；長毛回歸，連梁美芬都冶艷起來。

他在百多名粉絲簇擁下，抽了一口回魂煙，隨即呼籲再搞辭職公投，作為佔領中環的前戲，或後續：「其實講過好多次，但我出獄係傳媒焦點。以前係喃喃自語，而家拎住大聲公嗌。」泛民初步反應冷淡。他今次身繫囹圄，也是源於一○年五區公投後，政府為阻止案件重演，力推「遞補機制」、長毛衝擊有關論壇所致。但公投不是世界盃，四年一度，似是永劫回歸多於盛事。爭取失敗再爭取的循環，幾時休止？「一日未死，一日有事發生。只係我哋抽取一個片段，話又返番轉頭，好似 cycle咁。其實螺絲扭完一圈，又入咗啲。」
聽來樂觀，但對於佔中的成敗，他看得很化：[#ff0011]「喺民主運動史，有邊個反對派係不受鎮壓而得到勝利？你可以從歷史吸取教訓，但泛民一定要受到鎮壓的洗禮，如果唔係，我哋真係一部好奇妙嘅歷史。」[/#ff0011]

沒有長毛的日子，妖孽們倍感寂寞，趁他一出山便群魔亂舞。郁手打長毛的阿嬸聲淚俱下，說自己「很受傷害」。究竟長毛有否掂到她？「掂到又點？」（《蘋果日報》圖片）

忘了何時開始，《城市論壇》的講者由一字排開，變成坐埋一枱。七月六日中午，三十四度高溫，長毛在燃燒着「度假」儲來的能量。在此之前的廿四小時，他先在荔枝角收押所門口燒《白皮書》、到警察總部聲援因七一遊行而被捕的民陣五子、深夜再到港台講波，阿根廷大戰比利時，轉眼又來到維園乾煎。台上清一色是泛民，[#ff0011]台下的維園阿伯和傅振中，一早拿着碌柚葉，在他的頭上不停撥火：「俾你辟邪㗎，你啲『長毛』呢？」然後一條香蕉從天而降，長毛氣定神閒吃過早餐，最終還是敵不過一名阿嬸的瘋狂挑釁，轉身用手將她撥開。阿嬸還擊，呼天搶地，在他肩膊上揼了幾下，最終報警了事。[/#ff0011]
鏡頭前，長毛又再推銷辭職公投，同桌的梁家傑不以為然，稱現時應集中推動真普聯三軌方案；劉慧卿則忽然激進，爆出「民主黨最快七月會佔中」，搶了不少風頭－－[#ff0011]雖然兩日後她又改了口風，回復到「理性」的狀態[/#ff0011]：一切配合佔中三子，不做出頭鳥云云。正是前無支援，後有追兵：「嗰日嘅場景非常奇幻。我向盟友呼籲，佢哋叫我唔使諗；後面啲人又不斷鬧我。當然，我唔係話佢哋串通……」這一刻，他沒點煙，但辦公室早已充斥着中華牌的氣味。長毛深深吸了一口氣，尋找那殘存的尼古丁，再吐出一句：「超現實，好似戲劇場景。」

造反[/size=5]


除了菲傭外，長毛可說是佔領中環的第一人。二○一三年元旦遊行過後，他單槍匹馬，在遮打道「非法集結」，逾百警察在場侍候。（《蘋果日報》圖片）

他大概想起了古希臘的悲劇－－任你扭盡六壬，命運終究不可逆轉。[#ff0011]普羅米修斯為人類帶來了火，為宙斯所不容，將他鎖在懸崖上，生生世世被禿鷹啄食（「禿鷹」也真夠應景）。[/#ff0011]在共產黨的陰影下爭取民主，又何嘗不是如此？長毛毛孔粗大，心思卻縝密，總是比別人早一步去想「然後怎麼了」。林鄭月娥剛於星期二公布政改諮詢報告，現時要等八月人大發落，待香港政府消化、拋出政改方案後，再來一次電子公投，看香港人受唔受：「根據戴耀廷嗰套，真係好痛苦喎。等待期間如果唔佔中，你個運動點搞？ At the end of the day一定會發生，但成件事好被動。」書生造反，十年不成。長毛自覺辭職公投是進可攻、退可守之策：「如果佔中之前做（公投），假設我哋贏咗，就有更大嘅道德基礎；佔中之後做，如果鎮壓成功、又或者鎮壓唔晒，一樣可以令更多人出來投票，唔只係爭普選，也是撐佔中。」

[#ff0011]有說七十九萬人參與電子公投，足以凝聚民意，但長毛覺得要把行動升級：「點解唔將民意更加準確、無可爭議咁顯示出來？電子公投，啲人點都有嘢講。」「 D-day3選出三大方案之前，夠有十七個方案話係『符合國際標準』。如果政府拋出的方案冇公民提名，但又要再做電子公投，咁之前嘅七十七萬人點解又唔算？你唔會將同樣的事做兩次吧？」[/#ff0011]

他的如意算盤，是有「超級區議員」肯落疊，或五區各有代表，務求涵蓋全港選民。但公民黨說不，民主黨已退出真普聯，會否堅持公民提名都成疑問，更不能期望他們會放棄議席了。[#ff0011]「最緊要有人肯辭（職），如果係泛民大聯合為彰顯民意，我諗香港人唔會介意邊個補選，再諗嗰個都係傻㗎啦......」[/#ff0011]但現時立法會議員辭職後不得參與補選，他們可能會介意。「啲人好似忽然失憶，又忽然好蠢，我真係......唔係好想咁講。但我講嘅嘢有幾深奧？」[#ff0011]民主黨強調「和平理性非暴力」，皆因鵪鶉本來就是這城市的主流。[/#ff0011]但政黨理應有論述、領導群眾，而非一部純粹反映民意的機器：「有普選後的政黨咪應該係咁囉。佢喺門外面，就以為做咗裡面嘅嘢。」截稿前，長毛又再傳來短訊：「為辭職公投籌謀，敬希淡化對泛民的批評。」他仍在知其不可而為之。
是夜財委會的會議在十時才結束。之前一晚荷蘭大戰阿根廷，長毛去《蘋果》動新聞講波，事後回家換過長褲，又夠鐘返立法會。連踩廿多小時後，眼皮千斤重。但他對粉絲們還是有求必應，合照、派卡片，禮數不缺：「所有人都有我手提電話。好簡單，我當你每日收廿個 call，就算唔得閒講落去，要 refer俾助理，但人哋心裡好受。三十分鐘都唔嘥得，講乜嘢為人民服務？」


長毛由立法會大樓走去聖約翰座堂聲討鄺保羅，與雪糕佬打招呼，原來二人相識已久，「你個樣好眼瞓喎，尋晚賭波嗎？」「少少啦。」「唔好賭啦，講極都唔聽！」


長毛與曾主席。若他倆早三十年認識，可會成為莫逆？「而家都得，冇時間之嘛。」至於林大輝，關係則有點尷尬，「雖然球場上唔講政治，但佢其實唔太想被人知我倆是波友。」（《蘋果日報》圖片）

恐龍[/size=5]


葛珮帆投訴長毛著短褲唔莊重，煩到曾鈺成勒令長毛換褲。但長毛下午便捲起牛仔褲，以示抗議。李卓人陪佢玩埋一份。（《蘋果日報》圖片）

坊間流傳長毛甚有女人緣，前度眾多。他○九年在吳君如的電台節目中透露，自五十歲後都沒怎麼拍拖。但戀愛半世紀，也足以傲視維港兩岸吧？他早年曾在倫敦的夜店遇上一名女子，經「短暫了解」後共赴巫山。翌日女子問他平時做些什麼，長毛答曰：「馬克思主義者。」「 Oh， dinosaur。」二人交往了約兩個月，直至他離開英國。

作為一條恐龍，同道難求，實屬正常。[#ff0011]戴耀廷在提出佔中之初，已講過「不成功，便移民」。[/#ff0011]但要堅持幾耐，大家心中都沒有譜：「佔中唔會一波即停，不然沒意思，咪俾你玩多一日。公民抗命係要持續不斷，好多抗爭理論都形容緊同樣嘅嘢....」「哈維爾講『無權者的權力』，[#ff0011]我哋冇權，但可以不合作、鄙視佢；又或者波蘭團結工會的『社會自衞』，就算我唔結束你的政權，但你要俾公民社會的權利我....[/#ff0011]」長毛的媽媽幫洋人打住家工，把他安置在遠房親戚處。寄人籬下，唯有栽進書本才有一刻安靜。今次他在獄中悶極，重讀《托洛斯基傳》。日子有功，拋書包自是大把貨。

但香港人不好讀書，關於抗爭，我們更關心梁振英的預言會否兌現：香港終有一日要出動防暴隊和催淚彈。佔中預演後，警察對示威者暴力、陰招兼施；民陣成員因為七一遊行「行得太慢」被捕、連貨車司機也被控「停車沒熄匙」。若鷹犬爪牙以武力清場，對民主運動的打擊會有多大？「歷史上所有群眾運動去到呢 part都係咁。運動受到鎮壓，之後還得繼續。有時代價好慘重，好似緬甸，九○年昂山素姬贏咗，民主派反而被人血洗，軍政府推翻選舉結果。但冇人會倒轉話，早知唔好爭取選舉。」

若佔中失敗，香港的民主路還會有下一步嗎？「冇諗過，做咗先，到時無論成敗，都係新階段。如果唔做，就永遠都唔會有結果。」他不愛作最壞的打算，皆因變幻才是永恒，「哈維爾寫《七七憲章》時，坐咗四年監，佢都冇諗過八九年就會搞掂。」

敵友[/size=5]

雖然長毛自稱一把年紀，再無時間和精神去栽種友誼之花。但他就算知己寥寥，肯定不乏朋友。他去年與林大輝踢波，不幸左腳骨裂，在醫院躺了幾日，至今仍要做物理治療。報載林大輝當日陪伴他至夜深。至於曾鈺成，雖然因為抵不住葛珮帆的纏擾而勒令長毛換上長褲，但在拉布期間，都忍不住對長毛的努力刮目相看，自嘲患上「斯德哥爾摩症候群」，雖然他搞錯了誰是被害者。「我每年暑假都會送書俾佢，有一本係講足球點改變巴西人的生活，佢有同記者講話好睇喎。」

他愛以書贈友。○九年涂謹申小登科，他送了弗洛姆的《 Art of Love》和一本「鹹濕教科書」給他，作為賀禮：「佢四十八歲先再婚，梗係要 practical啲。本書喺倫敦買，五鎊，圖文並茂，講吓咩係性、咩係前戲，點培養氣氛。啲鬼佬好麻煩，但又幾好睇喎。」現時涂已榮升父親。至於「支咪好刺耳」的蔣麗芸，則沒什麼好分享：「送書俾佢咪嘥時間！你都唔知佢諗乜嘢。民建聯班人有問題，佢哋對其他嘢冇乜興趣。」

但有時敵友不容易分辨。七月三日行政長官答問會上，全體泛民議員「長毛上身」，群起向梁振英抗議。黃毓民隨手拿起文件便掟，當中夾雜了一隻玻璃杯。事後梁振英報警，泛民齊聲譴責。長毛不以為然：「當日本來有三個第一次：掟杯、泛民示威、特首報警。但泛民花太多時間來切割，連自己嘅第一次都忘記咗。」那玻璃碎片成了梁振英的武器。事後黃毓民在網台攻擊拉布，又批評蔡子強以梁振英的「偽快樂家庭照」做文章，對梁家婦女割腕見血仍不予同情云云，立場相當古怪。[#ff0011]但作為義氣仔女，長毛示範了如何避免在人家的傷口灑鹽：「我唔要做巡邏官，我哋係要搵最大公約數去合作，我無興趣去 censor人哋啲嘢。」[/#ff0011]


多年來，長毛曾先後五次入獄，全是因抗爭而起的「短期租約」，「第一日入去最辛苦，咖啡癮、煙癮，真係暈，成個人好唔舒服。」


長毛上一回入獄已是○二年。那冬菇頭原來是「香港拉登」幫他剪的。「香港拉登」當年在超市的飲品落毒，勒索董建華。「（冬菇頭）係我要求，我想出去時頭髮厚啲，都有人情講。」（《蘋果日報》圖片）

長毛的眼界未必很準，但他掟嘢確是有自己一套。某次他準備了「誠實豆沙包」贈予梁振英。當陳偉業掟包後，保安便把長毛一併包圍，令他未能有所動作，但他對於豆沙包的構思仍沾沾自喜。「你估我真係有諗定？我前一晚喺 office瞓覺，晨早有咩賣呢？咪包囉。」梁振英的眼神告訴他：咁都得，你咩人嚟㗎？「一字記之曰，就係無賴。某程度上，我個人都幾恐怖，你估唔到我做乜，我又唔怕醜。做咪做囉。我今年五十八，以我又煙又酒，應該六十五歲就死。仲有七年，有乜好諗？」


撰文：蔡慧敏
攝影：高仲明




長毛一直都係我好尊敬既議員，縱然我唔贊成佢成日幫Ｄ新移民
但係我依然尊重佢，因為佢係一個為人民真心辦事既人