呢兩日呢就係DSE放成績既日子，心血來潮就想講下matching

咩係stable marriage problem呢?
wikipedia:

在組合數學，穩定婚姻問題指：

有n男n女，每人都按他對（異性）對象的喜好程度按1至n排列。安排男女結婚，使得下列情形為真:

在n男n女中的任意兩對夫婦(M, W)和(m, w)，都不存在

M男對w女喜好度大於現任妻子W女，並且w女對M男喜好度也大於現任丈夫m男

的情形發生，此種情形稱為不穩定

睇完都唔撚明架喇 咁就舉個例啦:
依家有3男3女(6p)，男既有 ，女既就有
每個男女都有一個自己既「喜好表」，排好心目中另一半人選既順序
問題就係：究竟每個男女係唔係都會拍到拖呢？

呢個問題就由Gale同Shapley兩個人搵到個解決辦法，2012年佢地仲因為咁得到Nobel 經濟學獎

咁每日呢，每條仔（厹）就會根據個表向自己最鍾意既女示愛（如 : > > ，咁 就會係day 1向 示愛）
咁每條女就會跟呢個軍階表睇下受唔受黎示愛既仔：如果佢無仔既就乜都屌住先；有仔既就睇下黎示愛既係唔係正d，如果係既就飛左依家條仔，唔係既就叫隻狗公收皮（如 : ＞ ＞ ；第一日 示愛，其他人無黎， 就迫住要食左 先；第二日 黎，咁佢就會飛左 佢 ）

如此落去，每日就會有堆無女既狗公狗圍搵女，搵到大家拍到拖為止（比人拒絕左係唔會返兜的 ）
點解會work我就唔詳講喇，上網會搵到（其實太懶唔想寫個proof ）
咁有幾點值得留意：
－呢個算法(algorithm)會係n^2日內做完;
－每隻狗公都會搵到條list上面盡可能最好既女（即係佢會同best possible girl拍緊拖）;
－每個娘娘都會比自己條list上面最柒既厹溝到 。

講完毒撚搵女喇，咁你就會問：同JUPAS關乜撚野事呀

想像一下每一個學生都係一條仔，每一科（既每一個收生名額）都係一條女；
為左仔女一數要一樣，我地係仔個一面加一d人（代表＂無人＂：如果＂無人＂match左去一個收生名額，即係話個科收唔夠人）
女個面都要加人（代表無書讀：仔仔match左上去即係佢無offer鳥 ）
仔仔list上面頭20個choice就係佢地既jupas preference，剩低既由21開始就係代表無書讀既女女，最後就係仔仔無揀既科。
代表＂無人＂既仔仔條list就會將無書讀女女放晒係前面，剩低就係唔同既科目。
女女list上面就係：前面既choice就係全部有報jupas既人，後面就係代表＂無人＂既仔仔。

大概就係咁喇，錯左既指正下 都係度祝毒撚仔早日有女／JUPAS BB們有自己想讀既offer
同埋有無方法去學院投稿 [/size=2]