「如果XXX我去旺角西洋菜街裸跑」，這句看似信誓旦旦的諾言成為不少網民的戲言，但亦有網民願意兌現承諾「找數」。日前巴西在世界盃季軍戰中不敵荷蘭，網民就履行「裸跑」承諾，手持巴西國旗在西洋菜南街狂奔，雖然下身仍然穿上平腳內褲「數未找清」，但其他網民亦盛讚「找數」網民為真漢子。

巴西國家隊在世界盃4強以1:7不敵德國後，網民Anson Yuen隨即在照片分享應用程式Instagram，上載一張巴西國旗再開出「期票」指：「今次巴西再唔贏，我裸跑西洋菜南街」。然而巴西最終在季軍戰以3球不敵荷蘭，正當一眾網民認為他會一如其他網民般「走數」之際，Anson Yuen翌日在facebook承諾「聽日中午前找數」，日前更在Instagram再上載一段短片，短片中有兩名男子手持巴西國旗，身上穿著平腳內褲在西洋菜南街狂奔，片段所見店舖仍未營業，相信當時屬於清晨時份，而短片一出，便即獲得一眾網民讚賞。

不過根據《刑事罪行條例》，任何人無合法權限或辯解，在公眾地方或公眾可見的情況下，猥褻暴露其身體任何部分，即屬犯罪，一經定罪，可處罰款$1000及監禁6個月。

【網民點睇】

Wai Tsang：如果真係全裸佢會俾人拉。

Ricky Kwan： 有著底唔算裸，但真係有跑有片，好有誠意！

Chi Fong Leong：半裸都好過啲狗官政府應承咗又唔找數。

Reluctantly Ciga 雖然9折埋單，但有找數真漢子。

Gard Kwan 都冇全祼點算找咗，唔通借一萬還一佰又叫還晒？


兩名片中男子在「找數」前手持巴西國旗在西洋菜南街前留影。

片:http://worldcup2014.appledaily.com/realtime/all/latest/20140716/52695121

走數廢鳩例子(歡迎補完):http://hkgalden.com/view/163580