Q: 仲裁委員會邊個講㗎？點解要有仲裁委員會？
A: 仲裁委員會由會員畢氏絲打(1166)提出，目的係仿效英文維基百科嘅仲裁委員會：內務管理人員係執法者，佢需要裁判法院各位會員公投表決定罪先可以執行刑罰；之後任何一方都可以向仲裁委員會上訴；甚至再向admin上訴。

Q: 仲裁委員會點運作？
A: 任何人不滿公投判決或者內務管理人員嘅行政決定，都可以向仲裁委員會上訴；每單案件只可以上訴一次。仲裁委員會嘅仲裁員會決定係唔係受理，之後就會由當值仲裁員處理。控辯雙方陳詞同答辯之後，仲裁員就會宣佈新判決。如果仲裁委員會決定唔受理，或者任何人不滿新嘅判決，可以申請覆核，或者向admin上訴。每單案件只可以申請覆核一次，覆核會由一位常任仲裁員處理。

Q: 仲裁委員會有啲咩人？
A: 仲裁委員會由兩名民選嘅常任仲裁員，同埋三名喺活躍會員中抽出，而又願意擔任嘅非常任仲裁員組成。常任仲裁員任期係3個月，非常任仲裁員任期係7日。

Q: 會唔會有人濫用仲裁委員會機制？
A: 仲裁委員會同向站務人員上訴都應該係其他方法都失敗時嘅最後手段，所以大家要先以其他方法，例如調解、警告等。如果明顯濫用仲裁委員會機制，可以被視為藐視仲裁委員會，視作違反版規處理。

歡迎討論