此帖乃非官方帖文，旨在省卻各位閱文時間，內容或有含混或與事實有些微偏差，只供參考。

極短FAQ:
Q1. 嘩啱啱睇到置頂post, 先知admin開咗咁多個字海POST, 仲多咗個內務臺! 咩事?
A1. admin打算將膠登嘅內務決策權交俾會員, 即係自己論壇自己管, 自己定版規..自己搵人執法..等等, 但依家首先要制定好一系列嘅相應方案

Q2. D post長到金剛棒咁, TLDR, 其實內容講咩?
A2. 其實主要有5個post嘅, 主要係有幾個內務方案, 關乎到版規..moderators..等等

Q3. 無知一問, 咩叫"內務"? 同站務有咩分別?
A3. 最簡單嘅講法: 同會員間嘅行為有關, 一D可以唔使coding, 可以唔使admin出手嘅野, 就係內務;
至於其他膠登嘅管理事務, 例如寫code, 對外嘅宣傳, 財政.... 哩D就留返喺站務臺

Q4. 既然話俾我地自決, 咁整個初稿做乜?
A4. 個初稿算係俾個框架我地, 等我地有個idea知道可討論嘅空間有幾闊, 避免個個講埋哂D天馬行空、超出實際可行範圍嘅意見

Q5. 我地成日都比意見架啦, admin肯理先得架, 討咩論姐, 咪又係admin鐘意點改就點改, 傾嚟做乜?
A5. 我就覺得, 依家講意見並唔係淨係同admin講, 而係同其他會員傾, 只要你有point, 個個都同意, 而又可行既, 我諗admin都唔會視而不見

Q6. 反對, 哩D野 admin自己做返好過啦!
A6. 雖然唔係問句, 但都應一應啦. admin今次既打算, 除咗係想俾我地搞民主, 亦係想減輕下工作負擔. 搞內務極費時間, 搞到連programming都冇時間搞, 例如大家講嘅m版、api、新功能等......

Q7. 咁即係依家要做D咩?
A7. 依家幾個方案都係討論階段, 你可以根據相應嘅標題入去睇下D內容, 有咩意見盡早提出, 說服埋其他人, 遲D會修改, 改完先至再公投表決

Q7. 你又會知咁多野?
A7. 我小學閱讀理解100分



再簡單講下幾個post嘅大意

1. 「9/7/2014 站務公告」膠登內務事宜 - 會員參與及自決
admin大概係話, 放手俾我地搞內務, 而admin佢地就唔得閒, 要返工同返鄉下專心寫code

2. 「內務事宜 - 版規及違反版規之相關罰則」方案（初稿）
叫我地討論下版規同罰則, 裡面個初稿算係一D suggestions

3. 「內務事宜-封鎖違反版規會員公投法」方案（初稿）
即係bam人公投, 叫我地傾下個制度, 裡面個初犒同之前嘅臨時議案頗相似, 係多咗"內務長"嗰part

4. 「內務事宜 - 內務長產生辦法及其職能」方案（初稿）
即係mod, 點選, 有咩權, 有咩限制...... 由於係全新嘅野, 建議自己慢慢睇

5. 「內務事宜 - 三個內務方案的產生」（初稿）
直接D講, 即係話 要通過咗哩個"方案產生辦法", 先可以確立到上面其他方案嘅約束力