仲記得啱啱同女友一齊嗰陣
我讀緊中七，佢讀緊大專
嗰陣大家對彼此嘅生活方式都未太了解

嗰陣我成日批評佢返學例牌遲到
但佢就話，係我哩D中學雞唔識野，上到大專個個都係咁，將來嘅我都會係咁
我話我唔同意，儘管唔會罰，但準時上堂先係君子所為

結果係點，唔使我多講

大約一年前，我開始每日記錄低自己每一分一毫嘅收入同支出
方便總結返自己每個月喺各方面使咗幾個
以及監察住有冇「越使越大」嘅趨勢
當時，身邊嘅人見我哩個行為，都會賭J咁款覺得我三分鐘熱度，覺得冇可能會持之以恆
結果去到依家，我依然準確記錄住每一毫

其實我以上講嘅例子，都唔係D咩勁野，亦唔係咩特別有益嘅事，不過咁啱諗起哩兩個例子
有時真係覺得唔係幾甘心
唔甘心嘅，無可否認一方面係我都想有人認同
而另一方面，就係覺得身邊嘅人都好鼓吹墮落
「我咪又係咁，咪生勾勾喺度，冇野架喎，唔好咁認真啦」「邊有人唔講粗口架，咪on9啦」......
趕住開工，唔講咁多例子住

冇錯，可能你會覺得，「Imagine又想管人喇」
我認
但如果你咁諗，希望你都承認，你同我一樣，都係對人地嘅行為有自己嘅期望