話說早排我屋企(好舊嘅唐樓)樓梯隔離個水錶槽入面無啦啦多咗隻野貓
本身我屋企都有養貓嘅,所以有貓糧嘅情況之下
我同屋企人日日都有餵糧同水畀佢

本身佢係好驚人,我都係餵咗好幾次先摸到佢
原來佢都痴人,好鍾意畀人摸

仔仔嚟

咁今日我放工返到嚟
就見到佢無嘢食
攞咗d糧落去畀佢
咁有個C9咁啱都上樓就同我講

C9 ：你唔好咁餵貓呀,你搞到隻貓有次追住我呀
我 ：下？追住你？
：係呀，上次佢追住我要嘢食咁呀
：又唔見佢追住我嘅？~哈哈~
：你要餵貓嘅就返屋企餵啦
：我都想呀~(不過佢咁驚人,我都諗緊計帶佢返屋企)
佢講到呢句我已經知佢唔鍾意貓,無為勞氣嘅我已經行緊返上去
：我問過人架啦，呢度唔畀養貓架....
：......(一路行返上去一路心諗你咪玩啦,唐樓唔畀養貓)

咁我返去一陣就再落返去睇下佢有無食晒d嘢啦
點解就見到d貓糧同墊住d糧嘅紙係垃圾筒
個下真係超嬲

之前我老母係攞個膠盤仔裝住d糧
之後個膠盤無啦啦唔見咗,9成都係個C9所為

你唔鍾意貓都唔洗咁做呀嘛？

真係唔開心